आधी-आधी रतिया के पिहिके पपिहरा
aadhi aadhi ratiya ke pihike papihra
(पूरबी)
आधी-आधी रतिया के पिहिके पपिहरा
से बैरिनिया भइली ना,
मोरा अँखिया के रे निंनिया
से बैरिनिया भइली ना।
पिया कलकतिया घरे भेजे नाहीं पतिया
से सवतिया भइली ना,
कुहु-कुहु कुहुके कोइलिया
से सवतिया भइली ना।
बभना बेदरदी मोरा जनमे के बैरी
से लगनिया जोड़ले ना,
निरमोहिया बेदरदी
से सनेहिया जोड़ले ना।
द्विज महेन्द्र इहो गावेले पुरुबिया
से सवतिया कइले ना,
विरहिनिया के छतिया
से अगिया धइले ना।
स्रोत :
- पुस्तक : महेन्द्र मिसिर के चुनिंदा भोजपुरी गीत (पृष्ठ 24)
- संपादक : भगवती प्रसाद द्विवेदी
- रचनाकार : महेन्द्र मिसिर
- प्रकाशन : सर्व भाषा ट्रस्ट, नई दिल्ली
- संस्करण : 2021
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
