माघ मनोहर रामा नेह लागल
maagh manohar rama neh lagal
(बारहमासा)
माघ मनोहर रामा नेह लागल पिया चलल परदेस यो
हुनि परदेसिया रामा ओतहि गमाओल हम बारि परल अकेली यो
फागुन हे सखि आम मँजरि गेल कोयली कुहुकै आम डारि यो
चैत हे सखि फुलल बेली भमरा लेल निज वास यो
तजि मोहन गेल दूर मधुपुर हमर कोन अपराध यो
बैसाख हे सखि उषम ज्वाला पिया रोपल चानन गाछ यो
ओहि तर आहो रामा पलंग ओछाओल बिनु पिया पलंगो न भावै यो
जेठ हे सखि हेठ बरषा दादुल शब्द सुनाबै यो
असाढ़ हे सखि बुन्द-बुन्द भारी दादुल शब्द सुनाबै यो
दादुल के संग रामा चाहलौं कुहुकै बिनु पिया मनहु ने भावै यो
सावन हे सखि बिजुली छिटकय हृदय कड़कै मोर यो
भादव हे सखि राति अन्हारि कोना खेपब दिन-राति यो
आसिन हे सखि आस लागल आसो न पूरल हमार यो
कातिक हे सखि पर्ब लगे छै सब सखि गंगा स्नान यो
अगहन हे सखि सारि लबिये गेल लबि गेल यौबन मोर यो
पूस हे सखि जाड़ कातर बिनु पिया जाड़ो ने जाय यो
- पुस्तक : मैथिली लोकगीत (पृष्ठ 367)
- संपादक : अणिमा सिंह
- प्रकाशन : साहित्य अकादमी, नई दिल्ली
- संस्करण : 1993
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
