टटके टँगेलैए गाममे
टेलीफोनक तार
शीर्षासन कयने छै ठाढ़
एकटा पोल
कलबो मरड़क मड़ैयाक लगीच।
मरड़ गुरगुरबै छथिन हुक्का
भोर आ साँझ
पोलेमे सटाक आब पीठ
जड़कलामे आइ-काल्हि ओतहि
सेकै छथि आब घाम
पोलेक नीच्चा
भऽ गेलनिए मने कलबा मरड़क दलान।
खखसिकऽ अपन तमकुआयल ठोंठ
ओ बजइ छथि सगर्व—
गुरुशरण जादब एमेले साहेब
जखन फुनिआइ छथिन
मुखमंत्रीसे
अही पोल माँहे बलु गुजरइ हइ
दुनूक बतकही
ठीकाठीक हमरा माथक उप्परसे।
नइ रहली आब हमहूँ सब मामूली
एमेले-मुखमंत्री गप्पक
ठीकाठीक नीचा बैसि
करब बातक पजुआइ
कोनो हँसी-ठट्ठाक बात थोड़बे ने हइ।
कहाँ भेटल छलनि ई रुतबा
पहिले कलबा मरड़केँ
सुतंत्रतासँ एखन धरिमे कहिओ
हँ, ई बात तँ छै दीगर जे
कौआ कऽ दइ छनि चट्टक
बेसीकाल हुनका माथेपर
टेलीफोनक पोलसँ।
tatke tangelaiye gamme
teliphonak taar
shirshasan kayne chhai thaaDh
ekta pol
kalbo marDak maDaiyak lagich.
maraD guragurabai chhathin hukka
bhor aa saanjh
poleme satak aab peeth
jaDaklame aai kalhi otahi
sekai chhathi aab ghaam
polek nichcha
bhaऽ gelaniye mane kalaba marDak dalan.
khakhsikऽ apan tamakuayal thonth
o bajai chhathi sagarv—
gurushran jadab emele saheb
jakhan phuniai chhathin
mukhmantrise
ahi pol manhe balu gujarai hai
dunuk batakhi
thikathik hamra mathak upparse.
nai rahli aab hamhun sab mamuli
emele mukhmantri gappak
thikathik nicha baisi
karab batak pajuai
kono hansi thatthak baat thoDbe ne hai.
kahan bhetal chhalani ii rutba
pahile kalaba maraDken
sutantratasan ekhan dharime kahio
han, ii baat tan chhai digar je
kaua kaऽ dai chhani chattak
besikal hunka mathepar
teliphonak polasan.
tatke tangelaiye gamme
teliphonak taar
shirshasan kayne chhai thaaDh
ekta pol
kalbo marDak maDaiyak lagich.
maraD guragurabai chhathin hukka
bhor aa saanjh
poleme satak aab peeth
jaDaklame aai kalhi otahi
sekai chhathi aab ghaam
polek nichcha
bhaऽ gelaniye mane kalaba marDak dalan.
khakhsikऽ apan tamakuayal thonth
o bajai chhathi sagarv—
gurushran jadab emele saheb
jakhan phuniai chhathin
mukhmantrise
ahi pol manhe balu gujarai hai
dunuk batakhi
thikathik hamra mathak upparse.
nai rahli aab hamhun sab mamuli
emele mukhmantri gappak
thikathik nicha baisi
karab batak pajuai
kono hansi thatthak baat thoDbe ne hai.
kahan bhetal chhalani ii rutba
pahile kalaba maraDken
sutantratasan ekhan dharime kahio
han, ii baat tan chhai digar je
kaua kaऽ dai chhani chattak
besikal hunka mathepar
teliphonak polasan.
स्रोत :
पुस्तक : क्षमा करब हे महाकवि [मैथिली कविता-संग्रह] (पृष्ठ 99)रचनाकार : श्याम दरिहरे
प्रकाशन : नवारंभ, पटना/मधुबनी
संस्करण : 2016
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
