मुँह पर हाउ लगाक'
अपन अस्सल चेहरा नुकायब
जोरगर लोकक जयकार करब
किछु नहि फुरय त' मौन धारण करब
आँखि द्वारा देखल दृश्यक
रेटिना पर सँ सभटा छवि केँ मेटायब
सत्यक राग सुनिते कान झाँपब
बसातक प्रवाह संग खखड़ी जकाँ उड़ब
एकटा नीक प्रशिक्षित कुकूर बनब
ई सभटा काज बड हल्लुक छै
जखन कि
हथियार पर धार चढ़ाओल जा रहलैए
गाछ पर फड़ि रहलैए किसानक लहास
उठान हारि रहल छै आस
विषाक्त समुद्र मे हाथ देला सँ
प्रत्येक बेर बहराइत अछि
एकटा मरल माछ
एहन समय मे
सभ सँ बेसी मोश्किल काज छै
कोनो लड़िकी केँ बेटी आ बहिन कहब
नेना केँ लोरी सुनायब
देशक नागरिक केँ आजाद कहब
हवाक ओजन सँ थकुचायल लोक केँ
एक आँजुर भरोस देब
अयना मे अपन प्रतिबिंब हेरब
संगहि
समयक एहि धाहक माँझ
अपन हिया केँ जुड़ेबाक लेल
सुन्नर सन एकटा प्रेम कविता लिखब
ठीके, बड कठिन छै!
munh par hau lagak
apan assal chehra nukayab
jorgar lokak jaykar karab
kichhu nahi phuray ta maun dharan karab
ankhi dvara dekhal drishyak
retina par san sabhta chhavi ken metayab
satyak raag sunite kaan jhanpab
basatak pravah sang khakhDi jakan uDab
ekta neek prshikshit kukur banab
ii sabhta kaaj baD halluk chhai
jakhan ki
hathiyar par dhaar chaDhaol ja rahalaiye
gaachh par phaDi rahalaiye kisanak lahas
uthaan hari rahal chhai aas
vishakt samudr mae haath dela san
pratyek ber bahrait achhi
ekta maral maachh
ehan samay mae
sabh san besi moshkil kaaj chhai
kono laDiki ken beti aa bahin kahab
nena ken lori sunayab
deshak nagarik ken ajad kahab
havak ojan san thakuchayal lok ken
ek anjur bharos deb
ayna mae apan pratibimb herab
sangahi
samyak ehi dhahak maanjh
apan hiya ken juDebak lel
sunnar san ekta prem kavita likhab
thike, baD kathin chhai!
munh par hau lagak
apan assal chehra nukayab
jorgar lokak jaykar karab
kichhu nahi phuray ta maun dharan karab
ankhi dvara dekhal drishyak
retina par san sabhta chhavi ken metayab
satyak raag sunite kaan jhanpab
basatak pravah sang khakhDi jakan uDab
ekta neek prshikshit kukur banab
ii sabhta kaaj baD halluk chhai
jakhan ki
hathiyar par dhaar chaDhaol ja rahalaiye
gaachh par phaDi rahalaiye kisanak lahas
uthaan hari rahal chhai aas
vishakt samudr mae haath dela san
pratyek ber bahrait achhi
ekta maral maachh
ehan samay mae
sabh san besi moshkil kaaj chhai
kono laDiki ken beti aa bahin kahab
nena ken lori sunayab
deshak nagarik ken ajad kahab
havak ojan san thakuchayal lok ken
ek anjur bharos deb
ayna mae apan pratibimb herab
sangahi
samyak ehi dhahak maanjh
apan hiya ken juDebak lel
sunnar san ekta prem kavita likhab
thike, baD kathin chhai!
स्रोत :
पुस्तक : पेटकुनियाँ लधने प्रश्न (पृष्ठ 15)रचनाकार : सुमित मिश्र गुंजन
प्रकाशन : नवारम्भ, पटना/मधुबनी
संस्करण : 2024
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
