पंडित रामलखन आचार्यक घर
अदौसँ छलनि होइत
दू-दू टा भोर—
एकटा ब्रह्म मुहुर्त्त
दोसर पसरक बेर
ब्रह्म मुहुर्त्तमे तोड़ैत छलाह पंडीजी
फूल आ बेलपात
शौचादिसँ भए निवृत्त।
प्रशस्त ललाटपर श्रीखंडक त्रिपुंड आ
आज्ञा-चक्रपर सिनूरक
ललका भकरार ठोप
सूर्यक चक्काक संगे उदित छलनि होइत।
आ ओमहर
परीछना छलनि खोलैत पररू आ महींस
पसरक बेर
ओम्हरे फिरैत छल झाड़ा
खत्तेमे कऽ लैत छल छोंच
कुट्टी काटऽमे भऽ जाइत छलैक
आँगुर थौआ रहरहाँ।
कुसंस्कार ओकर छलैक
थाल-पानिमे लेभरायल
आ घुट्ठा-लेढ़ान साँची धोतीमे
सोहराइत छलनि पंडीजीक
उत्तम सदाचार।
त्वदीयं वस्तु गोविन्द
तुभ्यमेव समर्पयेक मन्त्रोचारसँ
लगबैत छलाह ओ भोग आ
मुहथरिपर चभ्भर-चभ्भर
कलउ सरपेटैत छल परीछना।
आब परीछन मंडल छथि कटैत
भोरेसँ सबदिन पुरजी
पंडीजीक पुत्र रहैत छथिन लाइनमे ठाढ़
खाइत छथिन धक्का
आ पीबैत छथिन घाम
तखन दुपहरिया धरिमे भेटि जाइत छनि
डिब्बामे अढ़ाइ लीटर मटिया तेल
चीनी एक किलो चारि सय ग्राम
ता नकुआक दोकानपर चाह
दुनू गोटा पिबैत छथि एके संग
से आब सत्ते बेस बदललैए रंग।
panDit ramalkhan acharyak ghar
adausan chhalani hoit
du du ta bhor—
ekta brahm muhurtt
dosar pasrak ber
brahm muhurttme toDait chhalah panDiji
phool aa belpat
shauchadisan bhe nivritt.
prashast lalatpar shrikhanDak tripunD aa
aagya chakrpar sinurak
lalka bhakrar thop
suryak chakkak sange udit chhalani hoit.
aa omhar
parichhna chhalani kholait pararu aa mahins
pasrak ber
omhre phirait chhal jhaDa
khatteme kaऽ lait chhal chhonch
kutti katऽmae bhaऽ jait chhalaik
angur thaua raharhan.
kusanskar okar chhalaik
thaal panime lebhrayal
aa ghuttha leDhan sanchi dhotime
sohrait chhalani panDijik
uttam sadachar.
tvadiyan vastu govind
tubhymev samarpyek mantrocharasan
lagbait chhalah o bhog aa
muhatharipar chabhbhar chabhbhar
kalau sarpetait chhal parichhna.
aab parichhan manDal chhathi katait
bhoresan sabdin purji
panDijik putr rahait chhathin lainme thaaDh
khait chhathin dhakka
aa pibait chhathin ghaam
takhan dupahriya dharime bheti jait chhani
Dibbame aDhai litar matiya tel
chini ek kilo chari say gram
ta nakuak dokanpar chaah
dunu gota pibait chhathi eke sang
se aab satte bes badalalaiye rang.
panDit ramalkhan acharyak ghar
adausan chhalani hoit
du du ta bhor—
ekta brahm muhurtt
dosar pasrak ber
brahm muhurttme toDait chhalah panDiji
phool aa belpat
shauchadisan bhe nivritt.
prashast lalatpar shrikhanDak tripunD aa
aagya chakrpar sinurak
lalka bhakrar thop
suryak chakkak sange udit chhalani hoit.
aa omhar
parichhna chhalani kholait pararu aa mahins
pasrak ber
omhre phirait chhal jhaDa
khatteme kaऽ lait chhal chhonch
kutti katऽmae bhaऽ jait chhalaik
angur thaua raharhan.
kusanskar okar chhalaik
thaal panime lebhrayal
aa ghuttha leDhan sanchi dhotime
sohrait chhalani panDijik
uttam sadachar.
tvadiyan vastu govind
tubhymev samarpyek mantrocharasan
lagbait chhalah o bhog aa
muhatharipar chabhbhar chabhbhar
kalau sarpetait chhal parichhna.
aab parichhan manDal chhathi katait
bhoresan sabdin purji
panDijik putr rahait chhathin lainme thaaDh
khait chhathin dhakka
aa pibait chhathin ghaam
takhan dupahriya dharime bheti jait chhani
Dibbame aDhai litar matiya tel
chini ek kilo chari say gram
ta nakuak dokanpar chaah
dunu gota pibait chhathi eke sang
se aab satte bes badalalaiye rang.
स्रोत :
पुस्तक : क्षमा करब हे महाकवि [मैथिली कविता-संग्रह] (पृष्ठ 68)रचनाकार : श्याम दरिहरे
प्रकाशन : नवारंभ, पटना/मधुबनी
संस्करण : 2016
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
