जन्म-दिवस
जन्म-दिवस थिक, माय गोसाउनि मनबथि लय फल-फूल
क्यौ सुरभित तन सिङरहार सन झहरि चढ्य पद-धूल
पिता आइ पूजा-आसनपर,मंगल चण्डी-पाठ
जुटल बधाबा देबय आगत मित्र-मण्डलिक ठाठ
रंग-विरंगक पत्र डाकसँ अभिनन्दनकेर छन्द
जन्म-दिवस थिक हमर आइ, घर भरि उमड़ल आनन्द
गणक गुनथि ग्रह वर्ष-प्रवेशक शुभसूचक अवदात
किन्तु गनी हम पलक जीवनक बीतल अछि कत तात
सञ्चित-आयु कोषसँ होइछ श्वास-श्वास व्यय हन्त!
वर्ष-प्रवेशक हर्ष-अमृतमे घोरल विषमय अन्त
स्रोत :
- पुस्तक : रचना संचयन (पृष्ठ 40)
- संपादक : चन्द्रनाथ मिश्र ‘अमर’/ शंकरदेव झा
- रचनाकार : सुरेन्द्र झा ‘सुमन’
- प्रकाशन : साहित्य अकादेमी
- संस्करण : 2012
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
