कहियो एहनो भेल होयत
बैसल होयब भोजन करबाक लेल
आ दालि रहल होयत अनोन
रोटी कने कचाह, भात बेस गील
आ कि तरकारी कने लागि गेल सन
आ अहाँ झनकिक' बाजल हेबै—
कतय रहैत अछि
आइ-काल्हि अहाँक धियान
से ठीके
सदिखन नहि रहैत छैक
स्त्रीक देह आ मोन, दुनू एक संग एक ठाम
कौखन ओकर मोन
छोड़ि ओकर देहक संग
निकलि जाइत छैक
यात्रापर
अहाँक संसार
अहाँक घरक परिधिसँ बाहर
जँ ओहि यात्रा वृत्तांतकेँ
किंबा मोनमे अभरल
घनेरो विचार, घनेरो भावकेँ
ओ स्त्री उतारि दैक
कोनो कागदपर
त' अबस्से भ' जेतैक
ओ कोनो विलक्षण कविता
सद्यः एकटा स्त्रीक कविता
तेँ हे...
जँ आब कहियो
चाह बुझना जाइ कने झूस
त' प्रयास करब
ओहिमे अकानबाक
कोनो कविताक सुआद
कविताक रंग
सम्प्रति
कोनो स्त्रीक कविताक रंग।
kahiyo ehno bhel hoyat
baisal hoyab bhojan karbak lel
aa dali rahal hoyat anon
roti kane kachah, bhaat bes geel
aa ki tarkari kane lagi gel san
aa ahan jhankik bajal hebai—
katay rahait achhi
aai kalhi ahank dhiyan
se thike
sadikhan nahi rahait chhaik
streek deh aa mon, dunu ek sang ek thaam
kaukhan okar mon
chhoDi okar dehak sang
nikali jait chhaik
yatrapar
ahank sansar
ahank gharak paridhisan bahar
jan ohi yatra vrittantken
kimba monme abhral
ghanero vichar, ghanero bhavken
o stri utari daik
kono kagadpar
ta abasse bha jetaik
o kono vilakshan kavita
sadyaः ekta streek kavita
ten he. . .
jan aab kahiyo
chaah bujhna jai kane jhoos
ta prayas karab
ohime akanbak
kono kavitak suad
kavitak rang
samprati
kono streek kavitak rang.
kahiyo ehno bhel hoyat
baisal hoyab bhojan karbak lel
aa dali rahal hoyat anon
roti kane kachah, bhaat bes geel
aa ki tarkari kane lagi gel san
aa ahan jhankik bajal hebai—
katay rahait achhi
aai kalhi ahank dhiyan
se thike
sadikhan nahi rahait chhaik
streek deh aa mon, dunu ek sang ek thaam
kaukhan okar mon
chhoDi okar dehak sang
nikali jait chhaik
yatrapar
ahank sansar
ahank gharak paridhisan bahar
jan ohi yatra vrittantken
kimba monme abhral
ghanero vichar, ghanero bhavken
o stri utari daik
kono kagadpar
ta abasse bha jetaik
o kono vilakshan kavita
sadyaः ekta streek kavita
ten he. . .
jan aab kahiyo
chaah bujhna jai kane jhoos
ta prayas karab
ohime akanbak
kono kavitak suad
kavitak rang
samprati
kono streek kavitak rang.
स्रोत :
पुस्तक : ई नहि थिक हमर प्रार्थना (पृष्ठ 70)रचनाकार : आनन्द मोहन झा
प्रकाशन : नवारम्भ, मधुबनी/पटना
संस्करण : 2020
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
