हँ, हमरा डर अछि
डर अछि हमरा
अहाँ बन्न क' देब हमर
इनकिलाबक आवाज
आ विध्वंस क' देब हमर सभ आन्दोलन
षड्यंत्रक जाल बिछाक'
अपना आदमीकेँ पठाक
अपन वाक्पटुता शैलीसँ
दबा देब हमर सचुका बात
मुदा सुनि लिअ
हमहुँ चुप नहि रहब
फेर लिखब
सभक हाथमे जरैत मशालक कल्पना क'
किसान-मजूरक डेगसँ डेग मिलाक'
चलैत छविकेँ अपन स्मृतिमे बैठाक'
एगो क्रांतिक गीत
एगो इनकिलाबक कविता
आ अहाँ फेर वैह करब
जे आइ धरि करैत अयलहुँ अछि
अपन कुर्सी बचाबय लेल
अपना सत्ता षड्यंत्रमे लोककेँ फँसाबय लेल
एगो अंतहीन बकबाद
राष्ट्रीयता, देशप्रेम सन भावनात्मक बात
कियैक त' एकर सिवा
अहाँक कार्ययोजनामे नहि अछि
रोजी-रोजगार आकि आर्थिक विकास
अछि त' बस सत्ताक भूख
आ कुर्सीक स्वार्थ
मुँहमे राम बगलमे छूरी रखनहुँ
अहाँ अपन फूसिऔका मिठगर बोलीसँ
बनि जायब बेदाग
आ बदनाम क' देब हमरा
जे हमहीं मचौने रही उत्पात
मुदा एगो बात फेरसँ सुनि लिअ
हमहुँ नहि मानब हारि
अहाँक यातनासँ
अहाँक प्रताड़नासँ
अहाँक सत्ताक अहंकारसँ
अहाँक कुत्सित विचारसँ
हम सदति लिखैत रहब
जे सत्त छैक से बात...।
han, hamra Dar achhi
Dar achhi hamra
ahan bann ka deb hamar
inakilabak avaj
aa vidhvans ka deb hamar sabh andolan
shaDyantrak jaal bichhak
apna admiken pathak
apan vakpatuta shailisan
daba deb hamar sachuka baat
muda suni lia
hamahun chup nahi rahab
pher likhab
sabhak hathme jarait mashalak kalpana ka
kisan majurak Degasan Deg milak
chalait chhaviken apan smritime baithak
ego krantik geet
ego inakilabak kavita
aa ahan pher vaih karab
je aai dhari karait ayalahun achhi
apan kursi bachabay lel
apna satta shaDyantrme lokken phansabay lel
ego anthin bakbad
rashtriyata, deshaprem san bhavanatmak baat
kiyaik ta ekar siva
ahank karyyojname nahi achhi
roji rojagar aaki arthik vikas
achhi ta bas sattak bhookh
aa kursik svaarth
munhame raam bagalme chhuri rakhanahun
ahan apan phusiauka mithgar bolisan
bani jayab bedag
aa badnam ka deb hamra
je hamhin machaune rahi utpaat
muda ego baat pherasan suni lia
hamahun nahi manab hari
ahank yatanasan
ahank prataDanasan
ahank sattak ahankarasan
ahank kutsit vicharasan
hum sadati likhait rahab
je satt chhaik se baat. . . .
han, hamra Dar achhi
Dar achhi hamra
ahan bann ka deb hamar
inakilabak avaj
aa vidhvans ka deb hamar sabh andolan
shaDyantrak jaal bichhak
apna admiken pathak
apan vakpatuta shailisan
daba deb hamar sachuka baat
muda suni lia
hamahun chup nahi rahab
pher likhab
sabhak hathme jarait mashalak kalpana ka
kisan majurak Degasan Deg milak
chalait chhaviken apan smritime baithak
ego krantik geet
ego inakilabak kavita
aa ahan pher vaih karab
je aai dhari karait ayalahun achhi
apan kursi bachabay lel
apna satta shaDyantrme lokken phansabay lel
ego anthin bakbad
rashtriyata, deshaprem san bhavanatmak baat
kiyaik ta ekar siva
ahank karyyojname nahi achhi
roji rojagar aaki arthik vikas
achhi ta bas sattak bhookh
aa kursik svaarth
munhame raam bagalme chhuri rakhanahun
ahan apan phusiauka mithgar bolisan
bani jayab bedag
aa badnam ka deb hamra
je hamhin machaune rahi utpaat
muda ego baat pherasan suni lia
hamahun nahi manab hari
ahank yatanasan
ahank prataDanasan
ahank sattak ahankarasan
ahank kutsit vicharasan
hum sadati likhait rahab
je satt chhaik se baat. . . .
स्रोत :
पुस्तक : प्रतिकार एखन बाँकी अछि (मैथिली कविता-संग्रह) (पृष्ठ 28)रचनाकार : रामकृष्ण परार्थी
प्रकाशन : नवारम्भ, पटना/मधुबनी
संस्करण : 2022
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
