समझौताक गप नहि करी हमरासँ
नफा-नुकसान, घाटाक गप नहि करी हमरासँ
ने हम स्वार्थी छी
आ ने छी हम बिकाउ
परिणामक डर सेहो नहि अछि हमरा
जे हेतैक से देखल जेतैक
हमरा अहाँ अपन गीदड़-भभकीसँ नहि डराउ
मानल जे एखन धरि हम जीतल नहि छी
मुदा एखन धरि त' हम हारो नहि
केलहुँ अछि स्वीकार
एखन लड़ब हम
संघर्षरत रहब हम
जाधरि बाँचल अछि मिसिओ भरि जीतक आस
जाधरि चलैत रहत हमर अंतिम साँस
अहाँक समझौता आकि कोनो शर्त
किन्न्हुँ नहि करब स्वीकार
हमरा बुझल अछि अहाँक शब्दकोशमे
समझौताक अर्थ होइत छैक षड़यंत्र
आ शर्त माने छल प्रपंच-धोखा
हम जानि-बुझिक' नहि बनि सकैत छी
अहाँक शिकार
हमरा मृत्युसँ पहिने आत्महत्या नहि अछि स्वीकार
हमरा बुझल अछि
विश्वासघात अछि अहाँक सभसँ पैघ हथियार।
samjhautak gap nahi kari hamarasan
napha nuksan, ghatak gap nahi kari hamarasan
ne hum svarthi chhi
aa ne chhi hum bikau
parinamak Dar seho nahi achhi hamra
je hetaik se dekhal jetaik
hamra ahan apan gidaD bhabhakisan nahi Darau
manal je ekhan dhari hum jital nahi chhi
muda ekhan dhari ta hum haro nahi
kelahun achhi svikar
ekhan laDab hum
sangharshrat rahab hum
jadhari banchal achhi misio bhari jitak aas
jadhari chalait raht hamar antim saans
ahank samjhauta aaki kono shart
kinnhun nahi karab svikar
hamra bujhal achhi ahank shabdkoshme
samjhautak arth hoit chhaik shaDyantr
aa shart mane chhal prpanch dhokha
hum jani bujhik nahi bani sakait chhi
ahank shikar
hamra mrityusan pahine atmahatya nahi achhi svikar
hamra bujhal achhi
vishvasghat achhi ahank sabhasan paigh hathiyar.
samjhautak gap nahi kari hamarasan
napha nuksan, ghatak gap nahi kari hamarasan
ne hum svarthi chhi
aa ne chhi hum bikau
parinamak Dar seho nahi achhi hamra
je hetaik se dekhal jetaik
hamra ahan apan gidaD bhabhakisan nahi Darau
manal je ekhan dhari hum jital nahi chhi
muda ekhan dhari ta hum haro nahi
kelahun achhi svikar
ekhan laDab hum
sangharshrat rahab hum
jadhari banchal achhi misio bhari jitak aas
jadhari chalait raht hamar antim saans
ahank samjhauta aaki kono shart
kinnhun nahi karab svikar
hamra bujhal achhi ahank shabdkoshme
samjhautak arth hoit chhaik shaDyantr
aa shart mane chhal prpanch dhokha
hum jani bujhik nahi bani sakait chhi
ahank shikar
hamra mrityusan pahine atmahatya nahi achhi svikar
hamra bujhal achhi
vishvasghat achhi ahank sabhasan paigh hathiyar.
स्रोत :
पुस्तक : विद्रोही बसात (मैथिली कविता-संग्रह) (पृष्ठ 19)रचनाकार : रामकृष्ण परार्थी
प्रकाशन : नवारम्भ, पटना/मधुबनी
संस्करण : 2024
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
