जे किछु भेटल अछि ताहिसँ इतर
नहि करैत छी किछु देखबाक प्रयास
आँखि तँ अछि, मुदा से मुनि लेने छी
एकटा भ्रम अछि जे सुन्नर अछि सभ किछु
एतेक धरि जे सुन्नर अछि
अप्पन आत्माकेँ निष्प्राण राखब
एखन सलामती अछि
कठपुतरी जकाँ जिबैत रहबामे
कियैक तँ ई संभव अछि
जे सत्यक साक्षी बनलापर
सुकरातक मृत्यु होइ
एक कटोरी बिक्खक संग
आकि ढाठि देल जायब
कोनो स्थापित मूर्ति जकाँ
तेँ चुप्प छी, सहैत छी जिनगीक ताप
जतय स्वप्नक पाँखि जरि रहल अछि
पसरि रहल अछि अंतरिक्ष धरि सियाह धुआँ
सुतैत तँ छी मुदा फूजल आँखियेँ माछ जकाँ
कि स्वप्न टूटि नहि सकय
स्वप्न जखन देखब तखने होयत संघर्ष
रंग, शब्द, भाव आ भूखक संघर्ष
मनुष्यताक संघर्ष जे अग्रसर करत
पाथर तोड़ैत मजूरक पयरकेँ मुक्तियात्रा दिस
बर्फ बनल छातीकेँ पघिलबैत
अवचेतनसँ चेतन दिस
फूसिक घरमे बाजत असंख्य ढोल
आ कविताक तालपर सूर्यसँ आँखि मिलाओत
फूजल आँखिक स्वप्न।
je kichhu bhetal achhi tahisan itar
nahi karait chhi kichhu dekhbak prayas
ankhi tan achhi, muda se muni lene chhi
ekta bhram achhi je sunnar achhi sabh kichhu
etek dhari je sunnar achhi
appan atmaken nishpran rakhab
ekhan salamti achhi
kathaputri jakan jibait rahbame
kiyaik tan ii sambhav achhi
je satyak sakshi banlapar
sukratak mrityu hoi
ek katori bikkhak sang
aaki Dhathi del jayab
kono sthapit murti jakan
ten chupp chhi, sahait chhi jingik taap
jatay svapnak pankhi jari rahal achhi
pasari rahal achhi antriksh dhari siyah dhuan
sutait tan chhi muda phujal ankhiyen maachh jakan
ki svapn tuti nahi sakay
svapn jakhan dekhab takhne hoyat sangharsh
rang, shabd, bhaav aa bhukhak sangharsh
manushytak sangharsh je agrasar karat
pathar toDait majurak payarken muktiyatra dis
barph banal chhatiken paghilbait
avachetanasan chetan dis
phusik gharme bajat asankhya Dhol
aa kavitak talpar suryasan ankhi milaot
phujal ankhik svapn.
je kichhu bhetal achhi tahisan itar
nahi karait chhi kichhu dekhbak prayas
ankhi tan achhi, muda se muni lene chhi
ekta bhram achhi je sunnar achhi sabh kichhu
etek dhari je sunnar achhi
appan atmaken nishpran rakhab
ekhan salamti achhi
kathaputri jakan jibait rahbame
kiyaik tan ii sambhav achhi
je satyak sakshi banlapar
sukratak mrityu hoi
ek katori bikkhak sang
aaki Dhathi del jayab
kono sthapit murti jakan
ten chupp chhi, sahait chhi jingik taap
jatay svapnak pankhi jari rahal achhi
pasari rahal achhi antriksh dhari siyah dhuan
sutait tan chhi muda phujal ankhiyen maachh jakan
ki svapn tuti nahi sakay
svapn jakhan dekhab takhne hoyat sangharsh
rang, shabd, bhaav aa bhukhak sangharsh
manushytak sangharsh je agrasar karat
pathar toDait majurak payarken muktiyatra dis
barph banal chhatiken paghilbait
avachetanasan chetan dis
phusik gharme bajat asankhya Dhol
aa kavitak talpar suryasan ankhi milaot
phujal ankhik svapn.
स्रोत :
पुस्तक : फूजल आँखिक स्वप्न (पृष्ठ 72)रचनाकार : रोमिशा
प्रकाशन : किसुन संकल्प लोक
संस्करण : 2019
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
