नाओ हमर लागत जा, के जानय, कोन घाट?
धारे-धारे भसिआइत देखइ छी अपन बाट!
मोन पड़य लागल आइ
गामक परिवेश फेर।
एक मुइल नदी केर
कारी झामर कछेर।
आँचर धरि उखड़ल हर-फाड़क सीराक काट।
नाओ हमर लागत जा, के जानय, कोन घाट?
मोन जँ पड़इ अछि, तँ
करइ अछि किछु यैह आइ,
संगे-संग ओकरे हम
वैह घाट डूबि जाइ।
जतऽ ओ नहाइत छलि रूपक ऋतुराज-ठाट।
नाओ हमर लागत जा, के जानय, कोन घाट?
अरहुल कनैल लाल
पीअर सब बान्ह कात,
भोरे-भोरे हाँजक हाँज
मधुमाछी करैत बात;
मंदिरमे घड़ी-घंट बाजइ छल, जी उचाट।
नाओ हमर लागत जा, के जानय, कोन घाट?
गेल पानि, जे बहैत
खल-खल छल धुआँ-धार।
मोइन भेल, मरने जल,
पीलु जोंक आ सेमार।
गाछी, कुंज, गोचर अगोचर सोझे-सपाट।
नाओ हमर लागत जा, के जानय, कोन घाट?
आइ आब एके बेर
साओनमे मेघ-संग
बजबइ अछि बागमती
नाचि-नाचि जल-तरंग।
दुनू दिस लागइ छै हरियर चुनरीक हाट।
नाओ हमर लागत जा, के जानय, कोन घाट?
कानसँ सुनैत आबि
रहलौं, से देखि आब
आँखिसँ झड़ैत अछि
मोतिया, जूही, गुलाब।
गाबि गेल गीत जे दुआरिसँ कतेक भाट।
नाओ हमर लागत जा, के जानय, कोन घाट?
पोछि लेत मुँह मखान—
पातसँ अपैत काल;
तलफलैत माछ कतऽ
जैत तोड़ि महा-जाल?
भरल छै चिरैन गन्ध, टूटल छै पड़ल खाट।
नाओ हमर लागत जा, के जानय, कोन घाट?
मेलामे घूमि देखि
लेलिऐ हर रंग, नाच।
खेल खेल लेलिऐ सब
संसारक झूठ-साँच
आब ओ उठइ अछि रंगमंचक परदा विराट।
नाओ हमर लागत जा, के जानय, कोन घाट?
nao hamar lagat ja, ke janay, kon ghaat?
dhare dhare bhasiait dekhai chhi apan baat!
mon paDay lagal aai
gamak parivesh pher.
ek muil nadi ker
kari jhamar kachher.
anchar dhari ukhDal har phaDak sirak kaat.
nao hamar lagat ja, ke janay, kon ghaat?
mon jan paDai achhi, tan
karai achhi kichhu yaih aai,
sange sang okre hum
vaih ghaat Dubi jai.
jatऽ o nahait chhali rupak rituraj thaat.
nao hamar lagat ja, ke janay, kon ghaat?
arhul kanail laal
piar sab baanh kaat,
bhore bhore hanjak haanj
madhumachhi karait baat;
mandirme ghaDi ghant bajai chhal, ji uchaat.
nao hamar lagat ja, ke janay, kon ghaat?
gel pani, je bahait
khal khal chhal dhuan dhaar.
moin bhel, marne jal,
pilu jonk aa semar.
gachhi, kunj, gochar agochar sojhe sapat.
nao hamar lagat ja, ke janay, kon ghaat?
aai aab eke ber
saonme megh sang
bajabai achhi bagamti
nachi nachi jal tarang.
dunu dis lagai chhai hariyar chunrik haat.
nao hamar lagat ja, ke janay, kon ghaat?
kanasan sunait aabi
rahlaun, se dekhi aab
ankhisan jhaDait achhi
motiya, juhi, gulab.
gabi gel geet je duarisan katek bhaat.
nao hamar lagat ja, ke janay, kon ghaat?
pochhi let munh makhan—
patasan apait kaal;
talaphlait maachh katऽ
jait toDi maha jaal?
bharal chhai chirain gandh, tutal chhai paDal khaat.
nao hamar lagat ja, ke janay, kon ghaat?
melame ghumi dekhi
leliai har rang, naach.
khel khel leliai sab
sansarak jhooth saanch
aab o uthai achhi rangmanchak parda virat.
nao hamar lagat ja, ke janay, kon ghaat?
nao hamar lagat ja, ke janay, kon ghaat?
dhare dhare bhasiait dekhai chhi apan baat!
mon paDay lagal aai
gamak parivesh pher.
ek muil nadi ker
kari jhamar kachher.
anchar dhari ukhDal har phaDak sirak kaat.
nao hamar lagat ja, ke janay, kon ghaat?
mon jan paDai achhi, tan
karai achhi kichhu yaih aai,
sange sang okre hum
vaih ghaat Dubi jai.
jatऽ o nahait chhali rupak rituraj thaat.
nao hamar lagat ja, ke janay, kon ghaat?
arhul kanail laal
piar sab baanh kaat,
bhore bhore hanjak haanj
madhumachhi karait baat;
mandirme ghaDi ghant bajai chhal, ji uchaat.
nao hamar lagat ja, ke janay, kon ghaat?
gel pani, je bahait
khal khal chhal dhuan dhaar.
moin bhel, marne jal,
pilu jonk aa semar.
gachhi, kunj, gochar agochar sojhe sapat.
nao hamar lagat ja, ke janay, kon ghaat?
aai aab eke ber
saonme megh sang
bajabai achhi bagamti
nachi nachi jal tarang.
dunu dis lagai chhai hariyar chunrik haat.
nao hamar lagat ja, ke janay, kon ghaat?
kanasan sunait aabi
rahlaun, se dekhi aab
ankhisan jhaDait achhi
motiya, juhi, gulab.
gabi gel geet je duarisan katek bhaat.
nao hamar lagat ja, ke janay, kon ghaat?
pochhi let munh makhan—
patasan apait kaal;
talaphlait maachh katऽ
jait toDi maha jaal?
bharal chhai chirain gandh, tutal chhai paDal khaat.
nao hamar lagat ja, ke janay, kon ghaat?
melame ghumi dekhi
leliai har rang, naach.
khel khel leliai sab
sansarak jhooth saanch
aab o uthai achhi rangmanchak parda virat.
nao hamar lagat ja, ke janay, kon ghaat?
स्रोत :
पुस्तक : सूर्यमुखी (पृष्ठ 84)रचनाकार : आरसी प्रसाद सिंह
प्रकाशन : मैथिली अकादमी, पटना
संस्करण : 2011
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
