पइसै से सारी चमक-दमक, पइसै से इज्जत मरजादा,
पइसे से सारा धरम-करम, पइसै माई पइसै दादा।
अस दुनिया मा के अहै, कि जे पइसा के आगे छोट न भा,
केकर दुर्बलता नारि न भै, केकर बल साहस नोट न भा।
जौ नौट मिलइ तो चाहे जेतना, नेम होइ सब टूटि जाए,
ईमान डिगै, सम्मान जाइ, पइसा आवै कुल छूटि जाए।
पइसै कइ माया बड़े साह, चोरन से हाथ मिलावा थीं,
पइसै की लालच बड़े-बड़े, कूकुर अस पूँछ हिलावा थीं।
पइसा बाढ़ा तौ रकम-रकम, बोलत ऊ अउर रकम होइगे,
धरमू से बनिगे धरमराज, परसू से परषोत्तम होइगे।
मंदिर पइसा मस्जिद पइसा, गुरुद्वारौ हाथ बढ़ावा थै,
ऊ ओतनै बड़ा भगत होइगा, जे जेतनै ढेर चढ़ावा थै।
जेकरी गाँठी पइसा नाहीं, गुन भरा होइ मुल के मानै,
गाँठी से कंचित पोढ़ होइ, हकिमौ छानैं, अपुनौ छानै।
रुपिया कै जौ बनवै छनने, तौ बड़े बड़न का छानि देइ,
जेका जस चाहै ढील देइ, जेका जस चाहै तानि देइ।
बस पइसै बड़का गुरू अउर, सब चेला गुनिया निरगुनिया,
पइसै के मंतर पर नाचइ, मूड़े के बल सारी दुनिया।
पइसै के बल बड़की कुर्सी, हथियाइ लेंइ झगडू सम्मड़,
पइसै नाचे छम छम बाजै, कुड़क-कुड़क घम्मड़-घम्मड़।
पइसै से भारी भीर महानगरंन म ठसा-ठसी बाटै,
पइसै से सारी दाँव पेंच पइसै से रसाकसी बाटै।
पइसै के जादू के बस, राजा महराजा मंतरी अहैं,
पइसै के बल पर चोर अहइँ, पइसै के बल संतरी अहैं।
पइसा कै थोरी देखि, चहै जस खास होइ मुल घिन छूटै,
ऊ जे बाटै दच्छिना नकद, कुल दुनिया कइ असीस लूटै।
हाजमा बढ़इ अस पापन के परबत तक लीलि पचाइ लेइ,
केतनौ बड़ त्यागी होइ मुला, पइसा देखतै मुह बाइ देइ।
paisai se sari chamak damak, paisai se ijjat marjada,
paise se sara dharam karam, paisai mai paisai dada.
as duniya ma ke ahai, ki je paisa ke aage chhot na bha,
kekar durbalta nari na bhai, kekar bal sahas not na bha.
jau naut milai to chahe jetna, nem hoi sab tuti jaay,
iiman Digai, samman jai, paisa aavai kul chhuti jaay.
paisai kai maya baDe saah, choran se haath milava theen,
paisai ki lalach baDe baDe, kukur as poonchh hilava theen.
paisa baDha tau rakam rakam, bolat uu aur rakam hoige,
dharmu se banige dharamraj, parsu se parshottam hoige.
mandir paisa masjid paisa, gurudvarau haath baDhava thai,
uu otanai baDa bhagat hoiga, je jetanai Dher chaDhava thai.
jekri ganthi paisa nahin, gun bhara hoi mul ke manai,
ganthi se kanchit poDh hoi, hakimau chhanain, apunau chhanai.
rupiya kai jau banavai chhanne, tau baDe baDan ka chhani dei,
jeka jas chahai Dheel dei, jeka jas chahai tani dei.
bas paisai baDka guru aur, sab chela guniya nirguniya,
paisai ke mantar par nachai, muDe ke bal sari duniya.
paisai ke bal baDki kursi, hathiyai leni jhagDu sammaD,
paisai nache chham chham bajai, kuDak kuDak ghammaD ghammaD.
paisai se bhari bheer mahanagrann ma thasa thasi batai,
paisai se sari daanv pench paisai se rasaksi batai.
paisai ke jadu ke bas, raja mahraja mantri ahain,
paisai ke bal par chor ahain, paisai ke bal santri ahain.
paisa kai thori dekhi, chahai jas khaas hoi mul ghin chhutai,
uu je batai dachchhina nakad, kul duniya kai asis lutai.
hajama baDhai as papan ke parbat tak lili pachai lei,
ketnau baD tyagi hoi mula, paisa dekhatai muh bai dei.
paisai se sari chamak damak, paisai se ijjat marjada,
paise se sara dharam karam, paisai mai paisai dada.
as duniya ma ke ahai, ki je paisa ke aage chhot na bha,
kekar durbalta nari na bhai, kekar bal sahas not na bha.
jau naut milai to chahe jetna, nem hoi sab tuti jaay,
iiman Digai, samman jai, paisa aavai kul chhuti jaay.
paisai kai maya baDe saah, choran se haath milava theen,
paisai ki lalach baDe baDe, kukur as poonchh hilava theen.
paisa baDha tau rakam rakam, bolat uu aur rakam hoige,
dharmu se banige dharamraj, parsu se parshottam hoige.
mandir paisa masjid paisa, gurudvarau haath baDhava thai,
uu otanai baDa bhagat hoiga, je jetanai Dher chaDhava thai.
jekri ganthi paisa nahin, gun bhara hoi mul ke manai,
ganthi se kanchit poDh hoi, hakimau chhanain, apunau chhanai.
rupiya kai jau banavai chhanne, tau baDe baDan ka chhani dei,
jeka jas chahai Dheel dei, jeka jas chahai tani dei.
bas paisai baDka guru aur, sab chela guniya nirguniya,
paisai ke mantar par nachai, muDe ke bal sari duniya.
paisai ke bal baDki kursi, hathiyai leni jhagDu sammaD,
paisai nache chham chham bajai, kuDak kuDak ghammaD ghammaD.
paisai se bhari bheer mahanagrann ma thasa thasi batai,
paisai se sari daanv pench paisai se rasaksi batai.
paisai ke jadu ke bas, raja mahraja mantri ahain,
paisai ke bal par chor ahain, paisai ke bal santri ahain.
paisa kai thori dekhi, chahai jas khaas hoi mul ghin chhutai,
uu je batai dachchhina nakad, kul duniya kai asis lutai.
hajama baDhai as papan ke parbat tak lili pachai lei,
ketnau baD tyagi hoi mula, paisa dekhatai muh bai dei.
स्रोत :
पुस्तक : माटी औ महतारी (पृष्ठ 26)रचनाकार : आद्या प्रसाद 'उन्मत्त'
प्रकाशन : अवधी अकादमी
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
