सुनने छी हम गली-गली ई शोर—
दुनियाक मजदूर होइत छैक एक
तखन कोनाकऽ मारलहक
हौ कामरेड भाइ
सारंडाक जंगलमे पुलिसकेँ
पूछि-पूछिकऽ नाम, धर्म आ जाति?
मंडलजी, महतोजी, रामजी, पासवानजी
झारखंड आ बिहारमे
कोनाकऽ भऽ गेलाह अलग-अलग
एकटा वर्गमित्र आ एकटा वर्गशत्रु?
कोन मुँहे बुझयबह हमरा
ई द्वन्द्व!
लेवी वसूलिकऽ बनय लेल अरबपति
आर कते दिन पसारने रहबह
नाराक भभटपन!!
आब नहि बनतह केओ बूड़ि
बुझि गेलह सब मजूर—
एके रंग छैक सब दोकान
केओ एहि नाराक दलाल
केओ ओहि वादक बेपारी।
स्रोत :
- पुस्तक : क्षमा करब हे महाकवि [मैथिली कविता-संग्रह] (पृष्ठ 84)
- रचनाकार : श्याम दरिहरे
- प्रकाशन : नवारंभ, पटना/मधुबनी
- संस्करण : 2016
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
