करेजक धुकधुकीक संग ई आबि गेली
आ धरतीपर अबैत देरी आँगुर पकड़ा देलनि
तहियासँ अहर्निश जा रहल छी डेगाडेगी
ठंढा, हिम-शीतल मरण-बाट बाटे
आत्महत्याक प्रक्रिया निमाहि रहल छी
(जकरा जीवन कहैत छैक)
जीबि रहल छी।
दूध पिया कऽ माय आ अन्न चिखा कऽ बाप
पोथी धोँखा कऽ गुरु आ शोणित चटा कऽ स्त्री
प्रीतसँ मीत आ रीतिसँ समाज
आ संजीवनीक हेतु अपस्यांत मृत्युंजय
घूलल हरिड़ा जामुन सनक बम भरभरा कऽ
सामूहिक मरण यज्ञमे सभ सक्रिय छथि
मौगीमे-मुद्रामे-मदिरामे अपनाकेँ तकैत छथि।
हमरा भय नै होइत अछि
हमहीँ ओकरा होइत छियै माने
क्षितिजक पलक-कोरपर जेना
खत्तामे डबरिआयल शोणित सनक
सूर्यक थम्हा देखने हेबै
तहिना हमर, आँखि क्षितिज धरि विस्फारित भऽ गेल अछि
आ भूगोलक डगमग डिम्हामे भरल,
सुसुम निर्मल रक्त पारावारमे स्वयंभू (हम)
मकारादिमे अपनाकेँ तकैत छी
आत्महत्याक प्रक्रिया (जकरा जीवन कहैत छैक)
निमाहि रहल छी।
karejak dhukadhukik sang ii aabi geli
aa dhartipar abait deri angur pakDa delani
tahiyasan aharnish ja rahal chhi DegaDegi
thanDha, him shital maran baat bate
atmhatyak prakriya nimahi rahal chhi
(jakra jivan kahait chhaik)
jibi rahal chhi.
doodh piya kaऽ maay aa ann chikha kaऽ baap
pothi dhonkha kaऽ guru aa shonit chata kaऽ stri
pritasan meet aa ritisan samaj
aa sanjivnik hetu apasyant mrityunjay
ghulal hariDa jamun sanak bam bharabhra kaऽ
samuhik maran yagyme sabh sakriy chhathi
maugime mudrame madirame apnaken takait chhathi.
hamra bhay nai hoit achhi
hamhin okra hoit chhiyai mane
kshitijak palak korpar jena
khattame Dabariayal shonit sanak
suryak thamha dekhne hebai
tahina hamar, ankhi kshitij dhari vispharit bhaऽ gel achhi
aa bhugolak Dagmag Dimhame bharal,
susum nirmal rakt paravarme svyambhu (ham)
makaradime apnaken takait chhi
atmhatyak prakriya (jakra jivan kahait chhaik)
nimahi rahal chhi.
karejak dhukadhukik sang ii aabi geli
aa dhartipar abait deri angur pakDa delani
tahiyasan aharnish ja rahal chhi DegaDegi
thanDha, him shital maran baat bate
atmhatyak prakriya nimahi rahal chhi
(jakra jivan kahait chhaik)
jibi rahal chhi.
doodh piya kaऽ maay aa ann chikha kaऽ baap
pothi dhonkha kaऽ guru aa shonit chata kaऽ stri
pritasan meet aa ritisan samaj
aa sanjivnik hetu apasyant mrityunjay
ghulal hariDa jamun sanak bam bharabhra kaऽ
samuhik maran yagyme sabh sakriy chhathi
maugime mudrame madirame apnaken takait chhathi.
hamra bhay nai hoit achhi
hamhin okra hoit chhiyai mane
kshitijak palak korpar jena
khattame Dabariayal shonit sanak
suryak thamha dekhne hebai
tahina hamar, ankhi kshitij dhari vispharit bhaऽ gel achhi
aa bhugolak Dagmag Dimhame bharal,
susum nirmal rakt paravarme svyambhu (ham)
makaradime apnaken takait chhi
atmhatyak prakriya (jakra jivan kahait chhaik)
nimahi rahal chhi.
स्रोत :
पुस्तक : मैथिलीक नव कविता (पृष्ठ 168)संपादक : रामकृष्ण झा ‘किसुन’ रचनाकार : धूमकेतु
प्रकाशन : सांस्कृतिक विभाग, राष्ट्रीय सार्वजनिक मेला समिति, सुपौल, बिहार
संस्करण : 1971
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
