क्वैलिया! काहे मन पछिताय?
आवा मधुर-बसंतु अकट्ठे
जग मा गरमी फाटी
मुसुकाने सरोज, अलि दौरे,
चिटकी तालन माटी
फूली कुंती जुही-न्यवारी,
देइँ चिरैयाँ तारी,
बढ़े मदार, जवासा लहके,
गलिन मची सिसकारी।
बिनु सोचे ऐसी मधुऋतु से
जोरे प्रेमु सिहाय।
क्वैलिया! काहे मन पछिताय?
रबि ताती-किरनन ते फूँकिनि
लपटन लूह जराइसि
अरी आँब की चिर संगिनि।
ना आँबौ किहिसि रहाइसि
गरमी आई तोरे उप्पर,
गलियन धूरि उड़ाइसि,
बरिखा गगन फोरि बादर ते
धर-धर-धार बहाइसि।
दरपु नसाइ सुर्ज-द्यौता का
बरिखा लिहे बोलाय।
क्वैलिया! काहे मन पछिताय।
पानी बरसा, जिउ ठंढाना,
बिरवा देहीं धोइनि
पखना साफु भये बिहँगन के
पुरुष यँधौरी खोइनि
ब्वालै लागी सबै चिरैया,
जुगुनू दिया द्यखाइनि,
साँप-किरंगा फिरैं फुंकरति,
मासा द्याँह फुलाइनि।
बरिखा खतम जानि भागी, रुकु
ऐहैं फिरि ऋतुराय।
क्वैलिया! काहे मन पछिताय।
kvailiya! kahe man pachhitay?
aava madhur basantu akatthe
jag ma garmi phati
musukane saroj, ali daure,
chitki talan mati
phuli kunti juhi nyvari,
dein chiraiyan tari,
baDhe madar, javasa lahke,
galin machi siskari.
binu soche aisi madhuritu se
jore premu sihay.
kvailiya! kahe man pachhitay?
rabi tati kirnan te phunkini
laptan looh jaraisi
ari aanb ki chir sangini.
na anbau kihisi rahaisi
garmi aai tore uppar,
galiyan dhuri uDaisi,
barikha gagan phori badar te
dhar dhar dhaar bahaisi.
darapu nasai surj dyauta ka
barikha lihe bolay.
kvailiya! kahe man pachhitay.
pani barsa, jiu thanDhana,
birva dehin dhoini
pakhna saphu bhaye bihngan ke
purush yandhauri khoini
bvalai lagi sabai chiraiya,
jugunu diya dyakhaini,
saanp kiranga phirain phunkarati,
masa dyaanh phulaini.
barikha khatam jani bhagi, ruku
aihain phiri rituray.
kvailiya! kahe man pachhitay.
kvailiya! kahe man pachhitay?
aava madhur basantu akatthe
jag ma garmi phati
musukane saroj, ali daure,
chitki talan mati
phuli kunti juhi nyvari,
dein chiraiyan tari,
baDhe madar, javasa lahke,
galin machi siskari.
binu soche aisi madhuritu se
jore premu sihay.
kvailiya! kahe man pachhitay?
rabi tati kirnan te phunkini
laptan looh jaraisi
ari aanb ki chir sangini.
na anbau kihisi rahaisi
garmi aai tore uppar,
galiyan dhuri uDaisi,
barikha gagan phori badar te
dhar dhar dhaar bahaisi.
darapu nasai surj dyauta ka
barikha lihe bolay.
kvailiya! kahe man pachhitay.
pani barsa, jiu thanDhana,
birva dehin dhoini
pakhna saphu bhaye bihngan ke
purush yandhauri khoini
bvalai lagi sabai chiraiya,
jugunu diya dyakhaini,
saanp kiranga phirain phunkarati,
masa dyaanh phulaini.
barikha khatam jani bhagi, ruku
aihain phiri rituray.
kvailiya! kahe man pachhitay.
स्रोत :
पुस्तक : अरघान (पृष्ठ 49)रचनाकार : सत्यधर शुक्ल
प्रकाशन : पं. वंशीधर शुक्ल स्मारक एवं साहित्य प्रकाशन समिति, मन्यौरा, लखीमपुर खीरी
संस्करण : 2021
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
