हमर गामक छातीपर ठाढ़ अछि
एक टा विशाल पीपरक गाछ
ऑक्टोपसक बाँहि जकाँ जमीन धयने
डारिपर खेलबैत अछि सुगा-मैना
धोधरिमे पोसैत अछि नाग
ई गाछ नहि गामक जीबैत इतिहास अछि
एहि गाछक छाहरिमे
कनिया-पुतरा खेलाइत
बौआ भेल जुआन
एकर चबूतरापर तास खेलाइत
जुआन भेल बूढ़
एकर जड़िमे जल ढारि
कन्या भेलीह अहिबाती
मुदा पछबामे अंगैठी-मोड़ करैत
एखनहुँ ओहिना ठाढ़ अछि पीपरक गाछ
एहि पीपरक गाछ तर
माथ टेकैत अछि गामक आस्था
एकर आँगनमे
सभ साँझ जरैत अछि दीप
कोनो राति होइत अछि झिझिया
कोनो राति सामा
मुदा एहि पीपरक आदिपुरुख छथि
नमरी घुसखोर
बिनु छागरक शोणित पीने
नहि करैत छथि इंद्र लग गौंआक पैरबी
तें अखाढ़ी पुजैत गाम
मातल रहैत अछि हिनक खुसामदिमे
एहि गाछक अधबैसू ठाढ़ि
खड़ंजी बाटकें छुबाक लेल उताहुल
दिनानुदिन झुकैत
बाधित करैत अछि गामक अबरजात
कहियो मोटरसाइकिलसँ खसैत छथि पूत
कहियो फुटैत छनि पुतौहक कपार
तें की केओ काटि देतै पीपरक ठाढ़ि
के करत एहन अनर्थ
के पाँगत पाखंड
के बेसाहत कलेस
ककरा नहि छैक अपन संततिक डर
एहने किंवदंती जीबैत हमर गाम
अपन टेटर हँसोथि
पीपरक गाछ तर मूड़ी निहुँरबैत
कहि उठैत अछि
जय डीहबार बाबा
hamar gamak chhatipar thaaDh achhi
ek ta vishal piprak gaachh
auktopsak banhi jakan jamin dhayne
Daripar khelbait achhi suga maina
dhodharime posait achhi naag
ii gaachh nahi gamak jibait itihas achhi
ehi gachhak chhaharime
kaniya putra khelait
baua bhel juan
ekar chabutrapar taas khelait
juan bhel booDh
ekar jaDime jal Dhari
kanya bhelih ahibati
muda pachhbame angaithi moD karait
ekhanahun ohina thaaDh achhi piprak gaachh
ehi piprak gaachh tar
maath tekait achhi gamak astha
ekar anganame
sabh saanjh jarait achhi deep
kono rati hoit achhi jhijhiya
kono rati sama
muda ehi piprak adipurukh chhathi
namri ghuskhor
binu chhagrak shonit pine
nahi karait chhathi indr lag gaunak pairbi
ten akhaDhi pujait gaam
matal rahait achhi hinak khusamadime
ehi gachhak adhabaisu thaDhi
khaDanji batken chhubak lel utahul
dinanudin jhukait
badhit karait achhi gamak abarjat
kahiyo motarasaikilasan khasait chhathi poot
kahiyo phutait chhani putauhak kapar
ten ki keo kati detai piprak thaDhi
ke karat ehan anarth
ke pangat pakhanD
ke besahat kales
kakra nahi chhaik apan santtik Dar
ehne kinvdanti jibait hamar gaam
apan tetar hansothi
piprak gaachh tar muDi nihunrabait
kahi uthait achhi
jay Dihbar baba
hamar gamak chhatipar thaaDh achhi
ek ta vishal piprak gaachh
auktopsak banhi jakan jamin dhayne
Daripar khelbait achhi suga maina
dhodharime posait achhi naag
ii gaachh nahi gamak jibait itihas achhi
ehi gachhak chhaharime
kaniya putra khelait
baua bhel juan
ekar chabutrapar taas khelait
juan bhel booDh
ekar jaDime jal Dhari
kanya bhelih ahibati
muda pachhbame angaithi moD karait
ekhanahun ohina thaaDh achhi piprak gaachh
ehi piprak gaachh tar
maath tekait achhi gamak astha
ekar anganame
sabh saanjh jarait achhi deep
kono rati hoit achhi jhijhiya
kono rati sama
muda ehi piprak adipurukh chhathi
namri ghuskhor
binu chhagrak shonit pine
nahi karait chhathi indr lag gaunak pairbi
ten akhaDhi pujait gaam
matal rahait achhi hinak khusamadime
ehi gachhak adhabaisu thaDhi
khaDanji batken chhubak lel utahul
dinanudin jhukait
badhit karait achhi gamak abarjat
kahiyo motarasaikilasan khasait chhathi poot
kahiyo phutait chhani putauhak kapar
ten ki keo kati detai piprak thaDhi
ke karat ehan anarth
ke pangat pakhanD
ke besahat kales
kakra nahi chhaik apan santtik Dar
ehne kinvdanti jibait hamar gaam
apan tetar hansothi
piprak gaachh tar muDi nihunrabait
kahi uthait achhi
jay Dihbar baba
स्रोत :
पुस्तक : नेपथ्यसँ अबैत हाक (पृष्ठ 64)रचनाकार : विकास वत्सनाभ
प्रकाशन : किसुन संकल्प लोक, सुपौल
संस्करण : 2025
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
