अपन नहपर एक मिसिया माटि धयने
पृथ्वीक निरीक्षण करैत
घोषणापत्रक शीर्षक लिखलनि अछि कवि
तेसर विश्वयुद्धक उपचारक हेतु
एकमात्र औषधि होयत प्रेम
अदौसँ पैटन टैंकक अट्टहासमे
हेराइत रहल अछि ओहि स्त्रीक हाकरोस
जे अपन बच्चाक लहास गाड़बाक हेतु
शिम्बोर्स्काक कवितामे खुनि रहल अछि खाधि
कोनो आर्ट गैलरीमे टाँगल
सोमालियाक सियाह पेंटिंगक सोझाँ
कियैक प्रासंगिक रहैत अछि बोधिसत्त्वक मूर्ति?
पंचशीलसँ परमाणु धरिक यात्रामे
अपैत होइत पृथ्वीक शुचिताक निमित्त
अनिवार्य अछि लिखल जायब कविता
जानि नहि
सीरियाक माटि आओर कतेक होयत लाल
आओर कतेक टभकत उत्तरी कोरियाक गुड़-घाओ
ग्लोबल वार्मिंगसँ पसिझैत पृथ्वीसँ
हिरोशिमा-नागासाकी नहि अछि बहुत बेसी दूर
नहियें सिक्त भ' सकल जेनेवा
ऑस्कर नियेमेरक बनाओल मैनहैटनक चौखटिपर
एखनहुँ शेष अछि शांति कलशक स्थापना
वियेनाक आँगनमे बाँचल अछि छीटल जायब दूर्वाक्षत
जखन कि आइ चानपर गहुम बाउग करबाक
होइत अछि ओरियान
काल्हि पृथ्वीपर फेर कतहु गाछक डारिमे
फँसरी लगाओत एक टा किसान
बारूदी सुरंगपर बेजान भगैत शताब्दीकें
अपन घोषणापत्रसँ
गुलाब आ गहुमक परिचिति हेतु
आश्वस्त करैत छथि कवि
कविता ओहि समस्त आश्वस्तिक परिभाषा थिक
जाहिसँ लिखल जायत मनुक्खक उत्तरकथा
रोटी, प्रेम आ माटिक भाषामे
apan nahpar ek misiya mati dhayne
prithvik nirikshan karait
ghoshnapatrak shirshak likhalani achhi kavi
tesar vishvyuddhak upcharak hetu
ekmaatr aushadhi hoyat prem
adausan paitan tainkak atthasme
herait rahal achhi ohi streek hakros
je apan bachchak lahas gaDbak hetu
shimborskak kavitame khuni rahal achhi khadhi
kono aart gailrime tangal
somaliyak siyah pentingak sojhan
kiyaik prasangik rahait achhi bodhisattvak murti?
panchashilasan parmanu dharik yatrame
apait hoit prithvik shuchitak nimitt
anivarya achhi likhal jayab kavita
jani nahi
siriyak mati aaor katek hoyat laal
aaor katek tabhkat uttari koriyak guD ghao
global varmingasan pasijhait prithvisan
hiroshima nagasaki nahi achhi bahut besi door
nahiyen sikt bha sakal jeneva
auskar niyemerak banaol mainahaitnak chaukhatipar
ekhanahun shesh achhi shanti kalshak sthapana
viyenak anganame banchal achhi chhital jayab durvakshat
jakhan ki aai chanpar gahum baug karbak
hoit achhi oriyan
kalhi prithvipar pher katahu gachhak Darime
phansri lagaot ek ta kisan
barudi surangpar bejan bhagait shatabdiken
apan ghoshanapatrasan
gulab aa gahumak parichiti hetu
ashvast karait chhathi kavi
kavita ohi samast ashvastik paribhasha thik
jahisan likhal jayat manukkhak uttaraktha
roti, prem aa matik bhashame
apan nahpar ek misiya mati dhayne
prithvik nirikshan karait
ghoshnapatrak shirshak likhalani achhi kavi
tesar vishvyuddhak upcharak hetu
ekmaatr aushadhi hoyat prem
adausan paitan tainkak atthasme
herait rahal achhi ohi streek hakros
je apan bachchak lahas gaDbak hetu
shimborskak kavitame khuni rahal achhi khadhi
kono aart gailrime tangal
somaliyak siyah pentingak sojhan
kiyaik prasangik rahait achhi bodhisattvak murti?
panchashilasan parmanu dharik yatrame
apait hoit prithvik shuchitak nimitt
anivarya achhi likhal jayab kavita
jani nahi
siriyak mati aaor katek hoyat laal
aaor katek tabhkat uttari koriyak guD ghao
global varmingasan pasijhait prithvisan
hiroshima nagasaki nahi achhi bahut besi door
nahiyen sikt bha sakal jeneva
auskar niyemerak banaol mainahaitnak chaukhatipar
ekhanahun shesh achhi shanti kalshak sthapana
viyenak anganame banchal achhi chhital jayab durvakshat
jakhan ki aai chanpar gahum baug karbak
hoit achhi oriyan
kalhi prithvipar pher katahu gachhak Darime
phansri lagaot ek ta kisan
barudi surangpar bejan bhagait shatabdiken
apan ghoshanapatrasan
gulab aa gahumak parichiti hetu
ashvast karait chhathi kavi
kavita ohi samast ashvastik paribhasha thik
jahisan likhal jayat manukkhak uttaraktha
roti, prem aa matik bhashame
स्रोत :
पुस्तक : नेपथ्यसँ अबैत हाक (पृष्ठ 27)रचनाकार : विकास वत्सनाभ
प्रकाशन : किसुन संकल्प लोक, सुपौल
संस्करण : 2025
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
