अपना डीह पर सँ निकली हमरा लोकनि
कि बहराइ अपन गामक सिमान सँ,
तखनहि टा मूड़ी हमरा सभक कटि क’
झाँपल रहत लाल पीयर साड़ी तर
जितियाक डाला पर,
से कोनो जरूरी नहि छैक
कोनो टा जरूरी नहि छैक से।
कोठली मे रहितो,
जागल कि सूतल मे,
नहाइत कि खाइत काल,
कि अपन बच्चा केँ कोरा मे खेलबैत काल
से भ' सकैत अछि।
बसात मे भाला चलैत रहैत अछि सदरि काल,
रौद मे फरसा चमकैत रहैत अछि,
अन्हार मे अंगोर बरसैत रहैत अछि।
भादबक राति
हमर अहाँक माय
आँखिये मे काटि दैत छथि,
मुदा डाला परहक जाहीजूही
भगवतीक सीरे मे झरकि जाइत अछि,
एकरंगा कपड़ा खकस्याह
भ' जाइत अछि।
एक चुरू पानियो धरि
पिबैत नहि छथि हमर अहाँक माए
चौबीस कि छत्तीस घंटा धरिः
मुदा जे भँगैत छी डाला परहक नारिकेर
हमरा सभ अगिला दिन,
त उजरा फरक बदला मे
बहराइत अछि तेलिया साप
ओहि मे सँ।
कतय छथि जिमूतवाहन,
कतय छथि?
apna Deeh par san nikli hamra lokani
ki bahrai apan gamak siman san,
takhanahi ta muDi hamra sabhak kati ka’
jhanpal raht laal piyar saDi tar
jitiyak Dala par,
se kono jaruri nahi chhaik
kono ta jaruri nahi chhaik se.
kothli mae rahito,
jagal ki sutal mae,
nahait ki khait kaal,
ki apan bachcha ken kora mae khelbait kaal
se bha sakait achhi.
basat mae bhala chalait rahait achhi sadari kaal,
raud mae pharsa chamkait rahait achhi,
anhar mae angor barsait rahait achhi.
bhadbak rati
hamar ahank maay
ankhiye mae kati dait chhathi,
muda Dala parhak jahijuhi
bhagavtik sire mae jharaki jait achhi,
ekranga kapDa khakasyah
bha jait achhi.
ek churu paniyo dhari
pibait nahi chhathi hamar ahank maye
chaubis ki chhattis ghanta dhariः
muda je bhangait chhi Dala parhak nariker
hamra sabh agila din,
ta ujra pharak badla mae
bahrait achhi teliya saap
ohi mae san.
katay chhathi jimutvahan,
katay chhathi?
apna Deeh par san nikli hamra lokani
ki bahrai apan gamak siman san,
takhanahi ta muDi hamra sabhak kati ka’
jhanpal raht laal piyar saDi tar
jitiyak Dala par,
se kono jaruri nahi chhaik
kono ta jaruri nahi chhaik se.
kothli mae rahito,
jagal ki sutal mae,
nahait ki khait kaal,
ki apan bachcha ken kora mae khelbait kaal
se bha sakait achhi.
basat mae bhala chalait rahait achhi sadari kaal,
raud mae pharsa chamkait rahait achhi,
anhar mae angor barsait rahait achhi.
bhadbak rati
hamar ahank maay
ankhiye mae kati dait chhathi,
muda Dala parhak jahijuhi
bhagavtik sire mae jharaki jait achhi,
ekranga kapDa khakasyah
bha jait achhi.
ek churu paniyo dhari
pibait nahi chhathi hamar ahank maye
chaubis ki chhattis ghanta dhariः
muda je bhangait chhi Dala parhak nariker
hamra sabh agila din,
ta ujra pharak badla mae
bahrait achhi teliya saap
ohi mae san.
katay chhathi jimutvahan,
katay chhathi?
स्रोत :
पुस्तक : एना त नहि जे (पृष्ठ 14)रचनाकार : हरेकृष्ण झा
प्रकाशन : रक्तमंजरी प्रकाशन
संस्करण : 2006
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
