कतेको ढाकी बात कहल गेल अछि
हमरा दुखक मादे।
हमर यंत्रणासँ भरल अछि
मोटाक मोटा किताब
ढेउर देल गेल अछि हमर वेदना
कतेको देशक देवालपर।
मुदा तैओ कहाँ भेटल हमरा
हमर दुखक कोनो ओर।
ओ पेटे तकाकऽ मारैए लात
तों जीहे लैत छह सट्ट दऽ घीचि
ओ ललका कपड़ा बान्हल
पोथीक देखाकऽ डर
पसारलक खाँटी पाखंड
तों ललका झंडा लेने छह गछाड़ि आ
बीच-बीचमे चोभऽ लेल रहइ छह दैत
नव-नव नाराक लमनचूस।
ओ घरवालीकेँ लऽ जाइत छल हवेली
तों रहरहाँ लऽ पड़ाइत छह
पलामूक जंगलमे बिआहुत बेटी
हमरा लग तँ टीसक अछि सवाल
से दिअए ओकर गुलेंती
की दिअए चीनक चक्कू।
सबहक छै अपन-अपन औजार
केओ पिबह कतबो डूबिकऽ पानि
हम तँ बुझिते छी
हम तँ जनिते छी—
सभक जीहपर लागल खून
हमरे देहक अछि।
बुझि गेलहुँ हम सबहक
झिझिरकोना-झिझिरकोना बाउ
एकबेर आर ताकय पड़त हमरा
आब कोन कोना हम जाउ।
kateko Dhaki baat kahl gel achhi
hamra dukhak made.
hamar yantranasan bharal achhi
motak mota kitab
Dheur del gel achhi hamar vedna
kateko deshak devalpar.
muda taio kahan bhetal hamra
hamar dukhak kono or.
o pete takakऽ maraiye laat
ton jihe lait chhah satt daऽ ghichi
o lalka kapDa banhal
pothik dekhakऽ Dar
pasarlak khanti pakhanD
ton lalka jhanDa lene chhah gachhaDi aa
beech bichme chobhऽ lel rahai chhah dait
nav nav narak lamanchus.
o gharvaliken laऽ jait chhal haveli
ton raharhan laऽ paDait chhah
palamuk jangalme biahut beti
hamra lag tan tisak achhi saval
se diae okar gulenti
ki diae chinak chakku.
sabhak chhai apan apan aujar
keo pibah katbo Dubikऽ pani
hum tan bujhite chhi
hum tan janite chhee—
sabhak jihpar lagal khoon
hamre dehak achhi.
bujhi gelahun hum sabhak
jhijhirkona jhijhirkona bau
ekber aar takay paDat hamra
aab kon kona hum jau.
kateko Dhaki baat kahl gel achhi
hamra dukhak made.
hamar yantranasan bharal achhi
motak mota kitab
Dheur del gel achhi hamar vedna
kateko deshak devalpar.
muda taio kahan bhetal hamra
hamar dukhak kono or.
o pete takakऽ maraiye laat
ton jihe lait chhah satt daऽ ghichi
o lalka kapDa banhal
pothik dekhakऽ Dar
pasarlak khanti pakhanD
ton lalka jhanDa lene chhah gachhaDi aa
beech bichme chobhऽ lel rahai chhah dait
nav nav narak lamanchus.
o gharvaliken laऽ jait chhal haveli
ton raharhan laऽ paDait chhah
palamuk jangalme biahut beti
hamra lag tan tisak achhi saval
se diae okar gulenti
ki diae chinak chakku.
sabhak chhai apan apan aujar
keo pibah katbo Dubikऽ pani
hum tan bujhite chhi
hum tan janite chhee—
sabhak jihpar lagal khoon
hamre dehak achhi.
bujhi gelahun hum sabhak
jhijhirkona jhijhirkona bau
ekber aar takay paDat hamra
aab kon kona hum jau.
स्रोत :
पुस्तक : क्षमा करब हे महाकवि [मैथिली कविता-संग्रह] (पृष्ठ 80)रचनाकार : श्याम दरिहरे
प्रकाशन : नवारंभ, पटना/मधुबनी
संस्करण : 2016
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
