होरी आइ गई रे।
होरी आइ गई रे।
ड्वाला पछियहुवा झकझोर,
मचिगा ठौर-ठौर पर सोर,
नाचे कुंज-कुंज बन मोर,
चहुँदिसि भा मस्ती का जोर,
बठिया ल्यासैं नारि बिभोर,
प्वातैं बखरिन-घरन पिंडोर।
फूले रुस, बबुर बतियाने,
होरी आइ गई रे।
गलियन थिरके कुँवर-कन्हाई,
गोपी-ग्वाल उठै हरसाई,
ख्यालैं रँग सब लोग लुगाई,
लड़ि-भिड़ि होइ अँबीर प्वताई,
ना क्वै द्याखै बहिनी-भाई
खटके कुँवा कीच अधिकाई,
भौजी भीजीं, द्यवर सिहाने,
होरी आइ गई रे!
कपड़ा फटे-पुरानि बिहाय,
पहिंदिनि नव-तहजद्द सियाय
संबत सुनैं हिये हुलसाइ,
पूछैं हानि लाभ अठिलाइ,
आसिस देइँ लेइँ सुखु पाइ
आँखिन काजरु नवा लगाइ।
बाजा सूपु परेत पराने,
होरी आइ गई रे।
धमहरि उठी मजीरा खनके,
ढ्वालन पर ठन-ठन सुर ठनके,
झूमे रसिया अपने मन के,
होरी गाइ उठे बेतनके
ल्वटियन पर पैसा तुन तुनके,
नाचे जन-मन घुँघुरू झनके।
कुंजन राधा-कृष्ण हयराने,
होरी आइ गई रे।
भ्वरहें पसिया किहिसि ग्वहारि,
धंधर दीन्हिसि होरी बारि,
तरुनी बल्ला-पगिया डारि,
अपने आंचर लेइ सँभारि,
मनई अरसी-जौ बौछार,
फेरी घूमैं जयति पुकारि।
आगि बुती, प्रहलाद द्यखाने,
होरी आइ गई रे।
क्वैली कूकि, बौर भदराने,
होरी आइ गई रे।
होरी आइ गई रे।
kvaili kuki, baur bhadrane,
hori aai gai re.
hori aai gai re.
Dvala pachhiyahuva jhakjhor,
machiga thaur thaur par sor,
nache kunj kunj ban mor,
chahundisi bha masti ka jor,
bathiya lyasain nari bibhor,
pvatain bakhrin gharan pinDor.
phule rus, babur batiyane,
hori aai gai re.
galiyan thirke kunvar kanhai,
gopi gvaal uthai harsai,
khyalain rang sab log lugai,
laDi bhiDi hoi anbir pvtai,
na kvai dyakhai bahini bhai
khatke kunva keech adhikai,
bhauji bhijin, dyvar sihane,
hori aai gai re!
kapDa phate purani bihay,
pahindini nav tahjadd siyay
sambat sunain hiye hulsai,
puchhain hani laabh athilai,
aasis dein lein sukhu pai
ankhin kajaru nava lagai.
baja supu paret parane,
hori aai gai re.
dhamahari uthi majira khanke,
Dhvalan par than than sur thanke,
jhume rasiya apne man ke,
hori gai uthe betanke
lvatiyan par paisa tun tunke,
nache jan man ghunghuru jhanke.
kunjan radha krishn hayrane,
hori aai gai re.
bhvarhen pasiya kihisi gvhari,
dhandhar dinhisi hori bari,
taruni balla pagiya Dari,
apne anchar lei sanbhari,
manii arsi jau bauchhar,
pheri ghumain jayti pukari.
aagi buti, prahlad dykhane,
hori aai gai re.
kvaili kuki, baur bhadrane,
hori aai gai re.
hori aai gai re.
kvaili kuki, baur bhadrane,
hori aai gai re.
hori aai gai re.
Dvala pachhiyahuva jhakjhor,
machiga thaur thaur par sor,
nache kunj kunj ban mor,
chahundisi bha masti ka jor,
bathiya lyasain nari bibhor,
pvatain bakhrin gharan pinDor.
phule rus, babur batiyane,
hori aai gai re.
galiyan thirke kunvar kanhai,
gopi gvaal uthai harsai,
khyalain rang sab log lugai,
laDi bhiDi hoi anbir pvtai,
na kvai dyakhai bahini bhai
khatke kunva keech adhikai,
bhauji bhijin, dyvar sihane,
hori aai gai re!
kapDa phate purani bihay,
pahindini nav tahjadd siyay
sambat sunain hiye hulsai,
puchhain hani laabh athilai,
aasis dein lein sukhu pai
ankhin kajaru nava lagai.
baja supu paret parane,
hori aai gai re.
dhamahari uthi majira khanke,
Dhvalan par than than sur thanke,
jhume rasiya apne man ke,
hori gai uthe betanke
lvatiyan par paisa tun tunke,
nache jan man ghunghuru jhanke.
kunjan radha krishn hayrane,
hori aai gai re.
bhvarhen pasiya kihisi gvhari,
dhandhar dinhisi hori bari,
taruni balla pagiya Dari,
apne anchar lei sanbhari,
manii arsi jau bauchhar,
pheri ghumain jayti pukari.
aagi buti, prahlad dykhane,
hori aai gai re.
kvaili kuki, baur bhadrane,
hori aai gai re.
hori aai gai re.
स्रोत :
पुस्तक : अरघान (पृष्ठ 43)रचनाकार : सत्यधर शुक्ल
प्रकाशन : पं. वंशीधर शुक्ल स्मारक एवं साहित्य प्रकाशन समिति, मन्यौरा, लखीमपुर खीरी
संस्करण : 2021
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
