बलिहार भयन हम उयि ब्यरिया,
तुम याक बिलायिति पास किह्यउ।
अभिलाखयि खुब-खुब पूरि गयीं,
जब याक बिलायिति पास किह्यउ।
बजरा का बिरवा तुम भूल्यउ
का आयि कर्याला तुम पूँछ्यउ,
छगरी का भेंड़ी कयसि कह्यउ,
जब याक बिलायिति पास किह्यउ।
अकतही अँगरखा खोलि धर्यउ,
कुरता अउ धोती छाँड़ि दिह्यउ,
यिहु पहिरि कमर-कटु कोटु चल्यउ,
जब याक बिलायिति पास किह्यउ।
लरिका सब भाजयिं चउँकि-चउँकि,
रपटावयि कुतवा भउँकि भउँकि
तुम अजभुतु रूपु धर्यउ भय्या,
जब याक बिलायिंति पास किह्यउ।
बिल्लायि मेहरिया बिलख-बिलखि
साथ की बँदरिया निरखि-निरखि;
यह गरे मा हड्डी तुम बाँध्यउ,
जब याक बिलायिति पास किह्यउ।
हम चितयी तुमका मुलुरु-मुलुरु,
मलकिनी निहारयिं भुकुरि-भुकुरि,
तुम मुँहि मा सिरकुटु दाबि चल्यउ,
जब याक बिलायिति पास किह्यउ।
तुम कथा म सत्यिनरायन की
बूटयि पहिंदे पूजा कीन्ह्यउ
सोडा का चन्नामितुँ किह्यउ,
जब याक बिलायिति पास किह्यउ।
balihar bhayan hum uyi byariya,
tum yaak bilayiti paas kihyau.
abhilakhayi khub khub puri gayin,
jab yaak bilayiti paas kihyau.
bajra ka birva tum bhulyau
ka aayi karyala tum punchhyau,
chhagri ka bhenDi kayasi kahyau,
jab yaak bilayiti paas kihyau.
akathi angarakha kholi dharyau,
kurta au dhoti chhanDi dihyau,
yihu pahiri kamar katu kotu chalyau,
jab yaak bilayiti paas kihyau.
larika sab bhajayin chaunki chaunki,
raptavayi kutva bhaunki bhaunki
tum ajabhutu rupu dharyau bhayya,
jab yaak bilayinti paas kihyau.
billayi mehariya bilakh bilakhi
saath ki bandriya nirakhi nirakhi;
ye gare ma haDDi tum bandhyau,
jab yaak bilayiti paas kihyau.
hum chityi tumka muluru muluru,
malakini niharayin bhukuri bhukuri,
tum munhi ma sirakutu dabi chalyau,
jab yaak bilayiti paas kihyau.
tum katha ma satyinrayan ki
butayi pahinde puja kinhyau
soDa ka channamitun kihyau,
jab yaak bilayiti paas kihyau.
balihar bhayan hum uyi byariya,
tum yaak bilayiti paas kihyau.
abhilakhayi khub khub puri gayin,
jab yaak bilayiti paas kihyau.
bajra ka birva tum bhulyau
ka aayi karyala tum punchhyau,
chhagri ka bhenDi kayasi kahyau,
jab yaak bilayiti paas kihyau.
akathi angarakha kholi dharyau,
kurta au dhoti chhanDi dihyau,
yihu pahiri kamar katu kotu chalyau,
jab yaak bilayiti paas kihyau.
larika sab bhajayin chaunki chaunki,
raptavayi kutva bhaunki bhaunki
tum ajabhutu rupu dharyau bhayya,
jab yaak bilayinti paas kihyau.
billayi mehariya bilakh bilakhi
saath ki bandriya nirakhi nirakhi;
ye gare ma haDDi tum bandhyau,
jab yaak bilayiti paas kihyau.
hum chityi tumka muluru muluru,
malakini niharayin bhukuri bhukuri,
tum munhi ma sirakutu dabi chalyau,
jab yaak bilayiti paas kihyau.
tum katha ma satyinrayan ki
butayi pahinde puja kinhyau
soDa ka channamitun kihyau,
jab yaak bilayiti paas kihyau.
स्रोत :
पुस्तक : पढ़ीस ग्रंथावली (पृष्ठ 119)संपादक : डॉ. रामविलास शर्मा, युक्तिभद्र दीक्षित रचनाकार : बलभद्रप्रसाद दीक्षित 'पढ़ीस'
प्रकाशन : उत्तर प्रदेश हिन्दी संस्थान, लखनऊ
संस्करण : 1998
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
