घटित-अघटितक द्वन्द्वमे ओझरायल
एक जोड़ पथरायल
सुखायल संवेदना
मुरझायल जिजीविषा
ताकि रहल बिहुँसबाक पलखति
'नहि किछु'मे
समेटि अपनाकेँ मेंही
स्फुरणक जालमे
सम्हारि लेलक आब नोरक धार
लागल रहै जहिया
दग्ध सुल्फाक चोट
झरकल रहै
पिपनी संग-संग डिम्हा
दरकल रहै भावना
उठल रहै बिहाड़ि
लपटल रहै जुआरि
पकड़ि हाथमे तरुआरि
बढ़ल आगिसँ लड़ऽ
मुदा
आगिसँ लड़लैये कियो
हारि
धृतराष्ट्र बनि संजयकेँ ताकऽ लागल
अपन नहि, आयातित दृष्टिये देखऽ लागल
चाटि गेलै ओकर सभ चक्षु-रुधिरकेँ
पाँच जोड़ काँच आँखि
झड़ि गेलै सभ विद्रोहक पाँखि
अपनो बुझलक
मृत्यु थिक अंतिम सत्य
नुका लेलक अपन दृष्टि-कोटरकेँ
आब की इजोर-अन्हार
जे हेबाक, से भेलै
ठाढ़ भऽ लेलक निर्णय एकटा सक्कत
ओ जीयत, जीबैत रहत, लड़ैत रहत
सदिखन अपन संतापकेँ सीबैत रहत।
ghatit aghatitak dvandvme ojhrayal
ek joD pathrayal
sukhayal sanvedna
murjhayal jijivisha
taki rahal bihunsabak palakhati
nahi kichhumae
sameti apnaken menhi
sphurnak jalme
samhari lelak aab norak dhaar
lagal rahai jahiya
dagdh sulphak chot
jharkal rahai
pipni sang sang Dimha
darkal rahai bhavna
uthal rahai bihaDi
laptal rahai juari
pakaDi hathme taruari
baDhal agisan laDऽ
muda
agisan laDalaiye kiyo
hari
dhritarashtr bani sanjayken taakऽ lagal
apan nahi, ayatit drishtiye dekhऽ lagal
chati gelai okar sabh chakshu rudhirken
paanch joD kaanch ankhi
jhaDi gelai sabh vidrohak pankhi
apno bujhlak
mrityu thik antim satya
nuka lelak apan drishti kotarken
aab ki ijor anhar
je hebak, se bhelai
thaaDh bhaऽ lelak nirnay ekta sakkat
o jiyat, jibait raht, laDait raht
sadikhan apan santapken sibait raht.
ghatit aghatitak dvandvme ojhrayal
ek joD pathrayal
sukhayal sanvedna
murjhayal jijivisha
taki rahal bihunsabak palakhati
nahi kichhumae
sameti apnaken menhi
sphurnak jalme
samhari lelak aab norak dhaar
lagal rahai jahiya
dagdh sulphak chot
jharkal rahai
pipni sang sang Dimha
darkal rahai bhavna
uthal rahai bihaDi
laptal rahai juari
pakaDi hathme taruari
baDhal agisan laDऽ
muda
agisan laDalaiye kiyo
hari
dhritarashtr bani sanjayken taakऽ lagal
apan nahi, ayatit drishtiye dekhऽ lagal
chati gelai okar sabh chakshu rudhirken
paanch joD kaanch ankhi
jhaDi gelai sabh vidrohak pankhi
apno bujhlak
mrityu thik antim satya
nuka lelak apan drishti kotarken
aab ki ijor anhar
je hebak, se bhelai
thaaDh bhaऽ lelak nirnay ekta sakkat
o jiyat, jibait raht, laDait raht
sadikhan apan santapken sibait raht.
स्रोत :
पुस्तक : एखन धरि (पृष्ठ 18)रचनाकार : अंशुमान सत्यकेतु
प्रकाशन : नवारम्भ
संस्करण : 2018
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
