हँ, हम एकलव्य छी
अछोप, औंठा बला
श्याम रंगक
हमर निशाना अछि अचूक
तरकसमे भरल अछि तीर
लड़बाक लेल उत्साहित छी हम
शूरवीरक उपाधि लेल लालायित छी हम
मुदा दबा देल जायत हमर सभ प्रतिभा
आ मटियामेट क' देल जायत हमर सभ परिश्रम
जखन गुरु द्रोणाचार्य पुछता हमरासँ जाति
आ क' देताह असफल
फेर औंठा रहने आकि नहि रहने
हमरा कहाँ कोनो पड़ैत अछि फर्क
ओ नियारने छथि पहिनहिसँ
अर्जूने टा कहाओत शूरवीर
यैह अछि शूद्र एकलव्य सभक तकदीर।
स्रोत :
- पुस्तक : प्रतिकार एखन बाँकी अछि (मैथिली कविता-संग्रह) (पृष्ठ 60)
- रचनाकार : रामकृष्ण परार्थी
- प्रकाशन : नवारम्भ, पटना/मधुबनी
- संस्करण : 2022
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
