बहिनजी लिखैत रहैत छथि
स्त्री विमर्शक कथा-कविता
स्त्री हक-अधिकार लेल उठबैत रहैत छथि आवाज
हुनकर हार्दिक इच्छा रहैत छनि
स्त्री-शोषणमुक्त बनय नबका समाज
हँ, ई गप्प दिगर अछि जे बहिनजी
ब्राह्मणवादक परिधिमे रहैत छथि
सदिखन ठाढ़
हुनकर आदर्श छनि
नारीकेँ ताड़नाक अधिकारी कहयबला तुलसीदास
विरोधाभाषसँ भरल छनि हुनकर स्वभाव
स्त्री स्वतंत्रताक प्रबल विरोधी मनु महराजक
विरोधमे नहि फुजैत छनि हुनकर बकार
पथभ्रष्ट, धर्मभ्रष्ट बुझना जाइत छनि हुनका
नारी समाजक उत्थानक अग्रदूत
बुद्ध, अंबेडकर, फुले, पेरियार
दलित विमर्श पर हुनका उठैत छनि आक्रोश
देवदासी परंपरा, सबरीमाला विवाद सन गम्भीर
स्त्री समस्याकेँ ओ नहि करैत छथि प्रतिरोध
बाँसक कमचीसँ सूप बिनैत स्त्री
हुनका बुझना जाइत छनि डोमिन
आ नगरपालिकाक सड़क बहारैत स्त्री मेहतराइन
ओ एगो स्त्रीसँ बेसी स्वयंकेँ मानैत छथि पंडिताइन।
bahinji likhait rahait chhathi
stri vimarshak katha kavita
stri hak adhikar lel uthbait rahait chhathi avaj
hunkar hardik ichchha rahait chhani
stri shoshanmukt banay nabka samaj
han, ii gapp digar achhi je bahinji
brahmanvadak paridhime rahait chhathi
sadikhan thaaDh
hunkar adarsh chhani
nariken taDnak adhikari kahayabla tulsidas
virodhabhashasan bharal chhani hunkar svbhaav
stri svtantrtak prabal virodhi manu mahrajak
virodhme nahi phujait chhani hunkar bakar
pathabhrasht, dharmabhrasht bujhna jait chhani hunka
nari samajak utthanak agradut
buddh, ambeDkar, phule, periyar
dalit vimarsh par hunka uthait chhani akrosh
devadasi parampara, sabrimala vivad san gambhir
stri samasyaken o nahi karait chhathi pratirodh
bansak kamachisan soop binait stri
hunka bujhna jait chhani Domin
aa nagarpalikak saDak baharait stri mehatrain
o ego strisan besi svyanken manait chhathi panDitain.
bahinji likhait rahait chhathi
stri vimarshak katha kavita
stri hak adhikar lel uthbait rahait chhathi avaj
hunkar hardik ichchha rahait chhani
stri shoshanmukt banay nabka samaj
han, ii gapp digar achhi je bahinji
brahmanvadak paridhime rahait chhathi
sadikhan thaaDh
hunkar adarsh chhani
nariken taDnak adhikari kahayabla tulsidas
virodhabhashasan bharal chhani hunkar svbhaav
stri svtantrtak prabal virodhi manu mahrajak
virodhme nahi phujait chhani hunkar bakar
pathabhrasht, dharmabhrasht bujhna jait chhani hunka
nari samajak utthanak agradut
buddh, ambeDkar, phule, periyar
dalit vimarsh par hunka uthait chhani akrosh
devadasi parampara, sabrimala vivad san gambhir
stri samasyaken o nahi karait chhathi pratirodh
bansak kamachisan soop binait stri
hunka bujhna jait chhani Domin
aa nagarpalikak saDak baharait stri mehatrain
o ego strisan besi svyanken manait chhathi panDitain.
स्रोत :
पुस्तक : विद्रोही बसात (मैथिली कविता-संग्रह) (पृष्ठ 20)रचनाकार : रामकृष्ण परार्थी
प्रकाशन : नवारम्भ, पटना/मधुबनी
संस्करण : 2024
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
