हमरा समाजक साहित्य के लिखत
बड़ गूढ़ प्रश्न अछि हमरा लग ठाढ़
जखन कि हमर बंधु-बांधव सभ
पुरस्कार-सम्मानक लोभमे बनल अछि चाटुकार
हिनका सभकेँ कनिको नहि चिंता छनि
अपना समाजक
जे अदौ कालसँ छैक मनुवादी व्यवस्थासँ संत्रस्त
ई सभ सदिखन रहैत अछि
मंच-माला-पाग लेल अनुरक्त
किनसाइत
एहने स्वार्थी लोक लेल कहने रहथिन बाबा भीम
अनपढ़ लोक नहि अछि समस्या हमरा समाज लेल
समस्या अछि त' ओ पढ़ल-लिखल लोक
जे गलतकेँ सही कहबामे क' रहल अछि
अपन बुद्धिक उपयोग
मुदा तइसँ की
हिनका सभकेँ त' बनबाक छनि महान
करेबाक छनि इतिहासमे दर्ज अपन नाम
चाहे आबयबला पीढ़ी बनल रहैक सभदिन गुलाम
हिनका सभकेँ चाही साहित्य सम्मेलनमे मंच पर स्थान
मुदा कायरकेँ इतिहासो कहाँ करैत छैक स्वीकार
मिरजाफरकेँ ओहिना नहि कहल जाइत छैक अंग्रेजक सियार
ओहो हिनके सभ जकाँ छल समाजक गद्दार
एहेन गद्दार साहित्यकार सभकेँ
धिक्कार अछि, धिक्कार!
hamra samajak sahitya ke likhat
baD gooDh parashn achhi hamra lag thaaDh
jakhan ki hamar bandhu bandhav sabh
puraskar sammanak lobhme banal achhi chatukar
hinka sabhken kaniko nahi chinta chhani
apna samajak
je adau kalasan chhaik manuvadi vyavasthasan santrast
ii sabh sadikhan rahait achhi
manch mala paag lel anurakt
kinsait
ehne svarthi lok lel kahne rahthin baba bheem
anpaDh lok nahi achhi samasya hamra samaj lel
samasya achhi ta o paDhal likhal lok
je galatken sahi kahbame ka rahal achhi
apan buddhik upyog
muda taisan ki
hinka sabhken ta banbak chhani mahan
karebak chhani itihasme darj apan naam
chahe abayabla piDhi banal rahaik sabhdin gulam
hinka sabhken chahi sahitya sammelanme manch par sthaan
muda kayarken itihaso kahan karait chhaik svikar
mirjapharken ohina nahi kahl jait chhaik angrejak siyar
oho hinke sabh jakan chhal samajak gaddar
ehen gaddar sahityakar sabhken
dhikkar achhi, dhikkar!
hamra samajak sahitya ke likhat
baD gooDh parashn achhi hamra lag thaaDh
jakhan ki hamar bandhu bandhav sabh
puraskar sammanak lobhme banal achhi chatukar
hinka sabhken kaniko nahi chinta chhani
apna samajak
je adau kalasan chhaik manuvadi vyavasthasan santrast
ii sabh sadikhan rahait achhi
manch mala paag lel anurakt
kinsait
ehne svarthi lok lel kahne rahthin baba bheem
anpaDh lok nahi achhi samasya hamra samaj lel
samasya achhi ta o paDhal likhal lok
je galatken sahi kahbame ka rahal achhi
apan buddhik upyog
muda taisan ki
hinka sabhken ta banbak chhani mahan
karebak chhani itihasme darj apan naam
chahe abayabla piDhi banal rahaik sabhdin gulam
hinka sabhken chahi sahitya sammelanme manch par sthaan
muda kayarken itihaso kahan karait chhaik svikar
mirjapharken ohina nahi kahl jait chhaik angrejak siyar
oho hinke sabh jakan chhal samajak gaddar
ehen gaddar sahityakar sabhken
dhikkar achhi, dhikkar!
स्रोत :
पुस्तक : विद्रोही बसात (मैथिली कविता-संग्रह) (पृष्ठ 17)रचनाकार : रामकृष्ण परार्थी
प्रकाशन : नवारम्भ, पटना/मधुबनी
संस्करण : 2024
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
