बहि गइ पूरब कइ बयरिया डगर महकी,
फूलइ लागीं फुलवरिया डगर महकी।
महके खेत महकिगे झुरमुट, महके ताल तलइया,
फुलगेनवा कइ महक उड़ावत झूमि चली पुरवइया।
झूमइ लागीं अरहरिया डगर महकी,
बहि गइ पूरब कइ बयरिया डगर महकी।
पनघट के जमघट मा चरचा छिड़िगै बालेपन कइ,
छम छम छम पायल बाजइ औ चुरिया खन खन खनकइ।
छलकइ गोरी कइ गगरिया डगर महकी,
बहि गइ पूरब कइ बयरिया डगर महकी।
लौटि चले पसु अउर पखेरू अपने अपने थाने,
गइका का थन ताकि ताकि बछरू मन मा ललचाने।
बोली दुधवा केरी धरिया डगर महकी,
बहि गइ पूरब कइ बयरिया डगर महकी।
आइ बसंत सजे अमऊ बउरन कइ मउर लगाए,
गौने कइ दुलहिन अस लाजन मारी सीस नवाए।
नाचइ लागीं बँसवरिया डगर महकी,
बहि गइ पूरब कइ बयरिया डगर महकी।
जला अलाव बइठि तापैं सितलू साजा सुखरानी,
गुड़ गुड़ गुड़ हुक्का बोला फिर चरचा छिड़ी पुरानी।
लागइ लागीं सरबरिया डगर महकी,
बहि गइ पूरब कइ बयरिया डगर महकी।
bahi gai purab kai bayariya Dagar mahki,
phulai lagin phulavariya Dagar mahki.
mahke khet mahakige jhurmut, mahke taal talaiya,
phulgenva kai mahak uDavat jhumi chali puraviya.
jhumai lagin arahariya Dagar mahki,
bahi gai purab kai bayariya Dagar mahki.
panghat ke jamghat ma charcha chhiDigai balepan kai,
chham chham chham payal bajai au churiya khan khan khanakai.
chhalakai gori kai gagriya Dagar mahki,
bahi gai purab kai bayariya Dagar mahki.
lauti chale pasu aur pakheru apne apne thane,
gaika ka than taki taki bachhru man ma lalchane.
boli dudhva keri dhariya Dagar mahki,
bahi gai purab kai bayariya Dagar mahki.
aai basant saje amuu bauran kai maur lagaye,
gaune kai dulhin as lajan mari sees navaye.
nachai lagin bansavriya Dagar mahki,
bahi gai purab kai bayariya Dagar mahki.
jala alav baithi tapain sitlu saja sukhrani,
guD guD guD hukka bola phir charcha chhiDi purani.
lagai lagin sarabariya Dagar mahki,
bahi gai purab kai bayariya Dagar mahki.
bahi gai purab kai bayariya Dagar mahki,
phulai lagin phulavariya Dagar mahki.
mahke khet mahakige jhurmut, mahke taal talaiya,
phulgenva kai mahak uDavat jhumi chali puraviya.
jhumai lagin arahariya Dagar mahki,
bahi gai purab kai bayariya Dagar mahki.
panghat ke jamghat ma charcha chhiDigai balepan kai,
chham chham chham payal bajai au churiya khan khan khanakai.
chhalakai gori kai gagriya Dagar mahki,
bahi gai purab kai bayariya Dagar mahki.
lauti chale pasu aur pakheru apne apne thane,
gaika ka than taki taki bachhru man ma lalchane.
boli dudhva keri dhariya Dagar mahki,
bahi gai purab kai bayariya Dagar mahki.
aai basant saje amuu bauran kai maur lagaye,
gaune kai dulhin as lajan mari sees navaye.
nachai lagin bansavriya Dagar mahki,
bahi gai purab kai bayariya Dagar mahki.
jala alav baithi tapain sitlu saja sukhrani,
guD guD guD hukka bola phir charcha chhiDi purani.
lagai lagin sarabariya Dagar mahki,
bahi gai purab kai bayariya Dagar mahki.
स्रोत :
पुस्तक : माटी औ महतारी (पृष्ठ 59)रचनाकार : आद्या प्रसाद 'उन्मत्त'
प्रकाशन : अवधी अकादमी
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
