यँडुरी रेंगि चली,
छीता की पँडुरी रेगि चली।
फेंकिसि सिंधु ढकेलिसि बौझड़ु
घिरे अगासी गगरा,
गरज तरजि के रोवइ लागे
भुँइ पर जीवनु डगरा।
दसौ दिसा हरियाइ उठीं
आनंदु चहूँधा बिखरा
खग-मृग बिरिछ अँगौछिनि देहीं
बिहँसि उठा बनु सिगरा।
गलियारन म्याँढन, खाँहिन पर
बगियन मा, बिरवन पर,
ऐंठि-ग्वैठि सैकरन पगन ते
भागी गली-गली।
यँडुरी रेंगि चली।
कहूँ अकेलि, कहूँ तर-उप्पर
बड़ी मौज मा घूमइँ,
ऊबड़ खाबड़ सब कहुँ बिचरइँ
सबकी च्वटिया चूमइँ।
ना परवाह तनिक भोजन की
ना घरवार कि चिन्ता,
महा अहिंसक खरु ना खोंटै
माटिनि खाये झूमइँ।
बड़ी लजोलु बड़िनि खिसियौनी,
छुवइ देइ ना देहीं
छुये लजाइ, तुरत मुँह झाँपइ
भोली, बड़ी भली।
येंडरी रेंगि चली।
गंडै गंडा अंग अलग सब
ड्य्ब्बै-ड्यब्बा जोरी
बड़े गिनइया गिनि ना पाइनि
पहिया लाख करोरी।
तनिकु सरा मुँह चीकन-चीकन
लाग सूपु अस आगे
बिनु पटरी, बिनु क्वैला पानी
लागि चलै जिउछोरी।
मनु आवै तब रुकै, न टीसनि
पानिउ मैहाँ घुसरै
कही चीलगाड़ी जहाजु या,
या गाड़ी नकली
यँडुरी रेंगि चली।
yanDuri rengi chali,
chhita ki panDuri regi chali.
phenkisi sindhu Dhakelisi baujhaDu
ghire agasi gagra,
garaj taraji ke rovai lage
bhuni par jivanu Dagra.
dasau disa hariyai uthin
anandu chahundha bikhra
khag mrig birichh angauchhini dehin
bihansi utha banu sigra.
galiyaran myanDhan, khanhin par
bagiyan ma, birvan par,
ainthi gvaithi saikran pagan te
bhagi gali gali.
yanDuri rengi chali.
kahun akeli, kahun tar uppar
baDi mauj ma ghumain,
uubaD khabaD sab kahun bicharain
sabki chvatiya chumain.
na parvah tanik bhojan ki
na gharvar ki chinta,
maha ahinsak kharu na khontai
matini khaye jhumain.
baDi lajolu baDini khisiyauni,
chhuvai dei na dehin
chhuye lajai, turat munh jhanpai
bholi, baDi bhali.
yenDri rengi chali.
ganDai ganDa ang alag sab
Dybbai Dyabba jori
baDe ginaiya gini na paini
pahiya laakh karori.
taniku sara munh chikan chikan
laag supu as aage
binu patri, binu kvaila pani
lagi chalai jiuchhori.
manu aavai tab rukai, na tisani
paniu maihan ghusarai
kahi chilgaDi jahaju ya,
ya gaDi nakli
yanDuri rengi chali.
yanDuri rengi chali,
chhita ki panDuri regi chali.
phenkisi sindhu Dhakelisi baujhaDu
ghire agasi gagra,
garaj taraji ke rovai lage
bhuni par jivanu Dagra.
dasau disa hariyai uthin
anandu chahundha bikhra
khag mrig birichh angauchhini dehin
bihansi utha banu sigra.
galiyaran myanDhan, khanhin par
bagiyan ma, birvan par,
ainthi gvaithi saikran pagan te
bhagi gali gali.
yanDuri rengi chali.
kahun akeli, kahun tar uppar
baDi mauj ma ghumain,
uubaD khabaD sab kahun bicharain
sabki chvatiya chumain.
na parvah tanik bhojan ki
na gharvar ki chinta,
maha ahinsak kharu na khontai
matini khaye jhumain.
baDi lajolu baDini khisiyauni,
chhuvai dei na dehin
chhuye lajai, turat munh jhanpai
bholi, baDi bhali.
yenDri rengi chali.
ganDai ganDa ang alag sab
Dybbai Dyabba jori
baDe ginaiya gini na paini
pahiya laakh karori.
taniku sara munh chikan chikan
laag supu as aage
binu patri, binu kvaila pani
lagi chalai jiuchhori.
manu aavai tab rukai, na tisani
paniu maihan ghusarai
kahi chilgaDi jahaju ya,
ya gaDi nakli
yanDuri rengi chali.
स्रोत :
पुस्तक : अरघान (पृष्ठ 60)रचनाकार : सत्यधर शुक्ल
प्रकाशन : पं. वंशीधर शुक्ल स्मारक एवं साहित्य प्रकाशन समिति, मन्यौरा, लखीमपुर खीरी
संस्करण : 2021
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
