छूबि गेल आइ कोन चेतना-तरंग?
प्राण-प्राणमे सजीव भऽ रहल उमंग!
नाचि रहल बऽन बाध, बागमे विकास;
सोनजुही-ठोर पर ऋतु वसन्त-हास!
फूलि गेल लाल-लाल फूल-तन पलाश।
नव किरणक कनक हरिण धाँगि रहल घास।
स्वर-सुगंधसँ बिभोर विकल अंग-अंग।
छूबि गेल आइ कोन चेतना-तरंग?
आइ मलय-वाल-गात मातल रसराज।
कुंज-कुंज पुंज-गुंज भ्रमर-साज।
लजवन्ती-लतिकामे जनमि रहल लाज।
आइ ने सोहाइ कोनो आँगन घर-काज।
रंग-मंच पर उतरि गेल नट अनंग।
छूबि गेल आइ कोन चेतना-तरंग?
आइ हाथमे न हमर मन, अवश प्राण।
पात-पात पर चढ़ल रूप-कुसुम-बाण।
बूढ़ो-पीपर भऽ गेल अछि जुआन।
रेशम-सन पहिरि नऽव पल्लव परिधान।
चहकि रहल डारि-डारि पर गुणी विहंग।
छूबि गेल आइ कोनो चेतना-तरंग?
अधरतिए चूबि महुआ मधु-जोर।
अंजुरी भरि गाबि रहल चैती धुन भोर।
कोइली कुहु कुहुक बोल, पपिहा पी-शोर।
रक्तमे जुआड़ि, रोम-रोममे हिलोर।
भासल जा रहल पयर कतऽ ककर संग?
छूबि गेल आइ कोन चेतना-तरंग?
chhubi gel aai kon chetna tarang?
praan pranme sajiv bhaऽ rahal umang!
nachi rahal baऽna baadh, bagme vikas;
sonajuhi thor par ritu vasant haas!
phuli gel laal laal phool tan palash.
nav kirnak kanak harin dhangi rahal ghaas.
svar sugandhasan bibhor vikal ang ang.
chhubi gel aai kon chetna tarang?
aai malay vaal gaat matal rasraj.
kunj kunj punj gunj bhramar saaj.
lajvanti latikame janami rahal laaj.
aai ne sohai kono angan ghar kaaj.
rang manch par utari gel nat anang.
chhubi gel aai kon chetna tarang?
aai hathme na hamar man, avash praan.
paat paat par chaDhal roop kusum baan.
buDho pipar bhaऽ gel achhi juan.
resham san pahiri naऽva pallav paridhan.
chahaki rahal Dari Dari par guni vihang.
chhubi gel aai kono chetna tarang?
adharatiye chubi mahua madhu jor.
anjuri bhari gabi rahal chaiti dhun bhor.
koili kuhu kuhuk bol, papiha pi shor.
raktme juaDi, rom romme hilor.
bhasal ja rahal payar katऽ kakar sang?
chhubi gel aai kon chetna tarang?
chhubi gel aai kon chetna tarang?
praan pranme sajiv bhaऽ rahal umang!
nachi rahal baऽna baadh, bagme vikas;
sonajuhi thor par ritu vasant haas!
phuli gel laal laal phool tan palash.
nav kirnak kanak harin dhangi rahal ghaas.
svar sugandhasan bibhor vikal ang ang.
chhubi gel aai kon chetna tarang?
aai malay vaal gaat matal rasraj.
kunj kunj punj gunj bhramar saaj.
lajvanti latikame janami rahal laaj.
aai ne sohai kono angan ghar kaaj.
rang manch par utari gel nat anang.
chhubi gel aai kon chetna tarang?
aai hathme na hamar man, avash praan.
paat paat par chaDhal roop kusum baan.
buDho pipar bhaऽ gel achhi juan.
resham san pahiri naऽva pallav paridhan.
chahaki rahal Dari Dari par guni vihang.
chhubi gel aai kono chetna tarang?
adharatiye chubi mahua madhu jor.
anjuri bhari gabi rahal chaiti dhun bhor.
koili kuhu kuhuk bol, papiha pi shor.
raktme juaDi, rom romme hilor.
bhasal ja rahal payar katऽ kakar sang?
chhubi gel aai kon chetna tarang?
स्रोत :
पुस्तक : सूर्यमुखी (पृष्ठ 9)रचनाकार : आरसी प्रसाद सिंह
प्रकाशन : मैथिली अकादमी, पटना
संस्करण : 2011
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
