चटरबण्टू
chatarbantu
तुम कहाँ ति बनि-ठनि आयउ लाला,
चटपटचंद चटर—बण्टू।
युहु ट्वाना-टटका पढ़ि आयउ का,
चटपटचंद चटर—बण्टू।
द्याखति मा ददुआ नीक-नीक मुलु,
बिसु-रस-भरे कनक-घट हउ।
नस-नस मा माहुर डँसा चह्यउ तुम,
चटपटचंद चटर—बण्टू।
यह खुबयि मुरहटी बूँकति हउ का,
हउ तउ काल्हिन के मुरहा!
बुढ़उ खाँसे उयि जागे द्याखउ,
चटपटचंद चटर—बण्टू।
तुम लाखु तना ते झरपट्टउ का
ठाढ़यि रहिहउ मुँहु बाये।
अस अण्टा-चित्तु-गफील गिरउ तुम,
चटपटचंद चटर—बण्टू।
तुम अयिस 'पढ़ीस' ति अइँठे हउ,
जिहि का च्याला संसारू भवा।
अब अपनि पढ़ीसी चाटउ चमकू,
चपपटचंद चटर—बण्टू।
स्रोत :
- पुस्तक : पढ़ीस ग्रंथावली (पृष्ठ 82)
- संपादक : डॉ. रामविलास शर्मा, युक्तिभद्र दीक्षित
- रचनाकार : बलभद्रप्रसाद दीक्षित 'पढ़ीस'
- प्रकाशन : उत्तर प्रदेश हिन्दी संस्थान, लखनऊ
- संस्करण : 1998
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
