अबला अउर लचार न जाना बिटिया तऽ मरदानी
नित्य नया इतिहास रचइ अउर लिक्खइ नई कहानी।
अम्मा के सुख दुख के साथी ममता प्रेम सँजोवइ
बाबा के जब नींद न आवइ खुदउ रात न सोवइ,
भइया खेत से लउटि के आवइ धावइ लइके पानी
नित्य नया इतिहास रचइ अउर लिक्खइ नई कहानी।
झर झर फूल झरइ होंठन से जब बिटिया मुसकाइ
जब रोवइ तउ नैन सीप से मोती झरि झरि जाइ,
बाबा के बगिया में महकइ जइसे रात की रानी के
नित्य नया इतिहास रचइ अउर लिक्खइ नई कहानी।
जीवन के अन्हियारे पथ पे नई रोसनी लाई
सागर की गहराई नापइ नभ के छुवइ ऊँचाई,
अंतरिच्छ में झंडा गाड़इ बिटिया बड़ी सयानी।
नित्य नया इतिहास रचइ अउर लिक्खर नई कहानी।
जब जब दुस्मन आँख देखावइ मोर्चा तुरत सम्हारइ
रणचंडी बन जाइ समर में बन सेरनी दहाड़इ,
आन बान पे जूझइ बिटिया बन झाँसी की रानी
नित्य नया इतिहास रचइ अउर लिक्खइ नई कहानी।
नहीं भेद बिटिया बेटवा मा झूठा भरम मिटावा
देस समाज के उन्नति चाहा बिटिया खूब पढ़ावा,
निर्मल पावन बिटिया जइसे गंग जमुन के पानी
नित्य नया इतिहास रचइ अउर लिक्खइ नई कहानी।
कोढ़ घिनौना भा समाज के दैजा अउर दहेज
राह पतन के छोड़ि द्या बाबू तनिक करा परहेज,
दैजा से सम्मान न बाढ़ी छोड़ा लीक पुरानी
नित्य नया इतिहास रचइ अउर लिक्खड़ नई कहानी।
abla aur lachar na jana bitiya taऽ mardani
nitya naya itihas rachai aur likkhai nai kahani.
amma ke sukh dukh ke sathi mamta prem sanjovai
baba ke jab neend na avai khudau raat na sovai,
bhaiya khet se lauti ke avai dhavai laike pani
nitya naya itihas rachai aur likkhai nai kahani.
jhar jhar phool jharai honthan se jab bitiya muskai
jab rovai tau nain seep se moti jhari jhari jai,
baba ke bagiya mein mahakai jaise raat ki rani ke
nitya naya itihas rachai aur likkhai nai kahani.
jivan ke anhiyare path pe nai rosani lai
sagar ki gahrai napai nabh ke chhuvai uunchai,
antrichchh mein jhanDa gaDai bitiya baDi sayani.
nitya naya itihas rachai aur likkhar nai kahani.
jab jab dusman ankh dekhavai morcha turat samharai
ranchanDi ban jai samar mein ban serni dahaDai,
aan baan pe jujhai bitiya ban jhansi ki rani
nitya naya itihas rachai aur likkhai nai kahani.
nahin bhed bitiya betva ma jhutha bharam mitava
des samaj ke unnati chaha bitiya khoob paDhava,
nirmal pavan bitiya jaise gang jamun ke pani
nitya naya itihas rachai aur likkhai nai kahani.
koDh ghinauna bha samaj ke daija aur dahej
raah patan ke chhoDi dya babu tanik kara parhej,
daija se samman na baDhi chhoDa leek purani
nitya naya itihas rachai aur likkhaD nai kahani.
abla aur lachar na jana bitiya taऽ mardani
nitya naya itihas rachai aur likkhai nai kahani.
amma ke sukh dukh ke sathi mamta prem sanjovai
baba ke jab neend na avai khudau raat na sovai,
bhaiya khet se lauti ke avai dhavai laike pani
nitya naya itihas rachai aur likkhai nai kahani.
jhar jhar phool jharai honthan se jab bitiya muskai
jab rovai tau nain seep se moti jhari jhari jai,
baba ke bagiya mein mahakai jaise raat ki rani ke
nitya naya itihas rachai aur likkhai nai kahani.
jivan ke anhiyare path pe nai rosani lai
sagar ki gahrai napai nabh ke chhuvai uunchai,
antrichchh mein jhanDa gaDai bitiya baDi sayani.
nitya naya itihas rachai aur likkhar nai kahani.
jab jab dusman ankh dekhavai morcha turat samharai
ranchanDi ban jai samar mein ban serni dahaDai,
aan baan pe jujhai bitiya ban jhansi ki rani
nitya naya itihas rachai aur likkhai nai kahani.
nahin bhed bitiya betva ma jhutha bharam mitava
des samaj ke unnati chaha bitiya khoob paDhava,
nirmal pavan bitiya jaise gang jamun ke pani
nitya naya itihas rachai aur likkhai nai kahani.
koDh ghinauna bha samaj ke daija aur dahej
raah patan ke chhoDi dya babu tanik kara parhej,
daija se samman na baDhi chhoDa leek purani
nitya naya itihas rachai aur likkhaD nai kahani.
स्रोत :
पुस्तक : अलगौझी (पृष्ठ 49)रचनाकार : मोहनलाल यादव
प्रकाशन : हंस प्रकाशन, नई दिल्ली
संस्करण : 2023
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
