कथरी तोहार गुन ऊ जानै जे करै गुजारा कथरी मा
लोटइँ लरिका सयान सारा परिवार बेचारा कथरी मा
एतनी अनमोल अहा कथरी न मोल बिकानू हटिया मा
मुल तोहका देखा घरे-घरे सब जने बिछाये खटिया मा
तोहरी गोदिया मा लोटि-पोटि हम खेलि कूद बलवान भये
हमरे पुरखै तोहरे बल पर गाँधी, गौतम भगवान भये
तुलसी कबीर जायसी सूर सब रहे दबाये कखरी मा
कथरी तोहार गुन ऊ जानै जे करै गुजारा कथरी मा
जेस फुलवइ कुरबानी कयिके आपन देहियाँ नथवाइ देयँ
दुसरी की गटई की खातिर आपन गटई लटकाइ देयँ
वइसे तू हमरे बरे फुरइ सुइया डोरवा से प्यार किहू
मन मरा नहीं तन छेदि उठा खुब दीनन कै उपकार किहू
बस यही से महिमा बढ़ति अहै कथरी तोहार यहि नगरी मा
कथरी तोहार गुन ऊ जानै जे करै गुजारा कथरी मा
तू बिपति कै साथी अहा पूर आराम तुहीं पहुँचावा थू
भूखे नंगे लरिकन का अपने गोदिया तुहीं सोवावा थू
साहस तोहरे अन्दर एतना बदमास चोर केउ पूछै ना
लुटि जाइ खजाना माल भले मुल तोहका केहुवै लूटै ना
राना के सथवा गजब रहिउ तू जंगल वाली कोठरी मा
कथरी तोहार गुन ऊ जानै जे करै गुजारा कथरी मा
भिलनी की कुटिया कै सोभा बन बीचे कबौ बढ़ाइव तू
अपनी गोदिया भगवान राम का जूठे बैर खिलाइव तू
दिन रात सुदामा के सथवा मड़ई मै किहिउ तपस्या तू
सथवा मा गयिउ द्वारिकापुर सारी बिदुर घर पतरी मा
कथरी तोहार गुन ऊ जानै जे करै गुजारा कथरी मा
मक्के से गयिउ मदीना तू उपदेस सुनइ पैगम्बर कै
दुनिया मा एक अहै ईस्वर जरि खोदिउ तू आडम्बर कै
ईसा मूसा दर-दर भचके मुल सथवा-सथवा लगी रहिउ
उनकर उपदेस सुनावइ का तू अगवा-अगवा भगी रहिउ
अम्बिया औलिया अपनायेन मन रमा रहा खुब गुदरी मा
कथरी तोहार गुन ऊ जानै जे करै गुजारा कथरी मा
तू लाल बहादुर की सेवा कइके दिल्ली पहुँचाइ दिहिउ
गुदरिउ मा लाल छिपे केतने तू दुनिया का दिखलाइ दिहिउ
अब्दुल हमीद का सबक तुहीं कुर्बानी वाला देहे रहिउ
का तोहरे सुधि नाहीं बाटै जब अपनी गोदिया लेहे रहिउ
ओनकर माई जब दरति रहीं दलिया घर वाली चकरी मा
कथरी तोहार गुन ऊ जानै जे करै गुजारा कथरी मा
एतना गुन तोहरे भरा अहै तब काहे ना दुनिया पूछै
काहे न घर कै बहुअरियइ दिन राति तुहैं झारैं पोछैं
पुरखातन से हमरेव घर खुब किरपा तोहरी बनी अहै
सँझवा की तोहरे बरे रोज खुब छीमा-झपटी ठनी अहै
कुछ दिनै रहे से दुलहिनियै लइके भागैं अँधकोपरी मा
कथरी तोहार गुन ऊ जानै जे करै गुजारा कथरी मा
समता समाज की सेवा मा आपन जीवन तू दान दिहिउ
बैठाइव बगल गरीबन का तिनकाउ न तू अपमान किहिउ
दुखिया मजूर की नइया कै बस असिल खेवइया तुहीं अहिउ
‘आजाद’ कहैं भवसागर से वहि पार लगइया तुहीं अहिउ
जब छोड़ि चला संसार दीन तब साथ बँधिउ तू ठटरी मा
कथरी तोहार गुन ऊ जानै जे करै गुजारा कथरी मा
kathri tohar gun uu janai je karai gujara kathri ma
lotain larika sayan sara parivar bechara kathri ma
etni anmol aha kathri na mol bikanu hatiya ma
mul tohka dekha ghare ghare sab jane bichhaye khatiya ma
tohri godiya ma loti poti hum kheli kood balvan bhaye
hamre purakhai tohre bal par gandhi, gautam bhagvan bhaye
tulsi kabir jayasi soor sab rahe dabaye kakhri ma
kathri tohar gun uu janai je karai gujara kathri ma
jes phulavai kurbani kayike aapan dehiyan nathvai deyan
dusri ki gatii ki khatir aapan gatii latkai deyan
vaise tu hamre bare phurai suiya Dorva se pyaar kihu
man mara nahin tan chhedi utha khub dinan kai upkaar kihu
bas yahi se mahima baDhati ahai kathri tohar yahi nagri ma
kathri tohar gun uu janai je karai gujara kathri ma
tu bipti kai sathi aha poor aram tuhin pahunchava thu
bhukhe nange larikan ka apne godiya tuhin sovava thu
sahas tohre andar etna badmas chor keu puchhai na
luti jai khajana maal bhale mul tohka kehuvai lutai na
rana ke sathva gajab rahiu tu jangal vali kothari ma
kathri tohar gun uu janai je karai gujara kathri ma
bhilni ki kutiya kai sobha ban biche kabau baDhaiv tu
apni godiya bhagvan raam ka juthe bair khilaiv tu
din raat sudama ke sathva maDii mai kihiu tapasya tu
sathva ma gayiu dvarikapur sari bidur ghar patri ma
kathri tohar gun uu janai je karai gujara kathri ma
makke se gayiu madina tu updes sunai paigambar kai
duniya ma ek ahai iisvar jari khodiu tu aDambar kai
iisa musa dar dar bhachke mul sathva sathva lagi rahiu
unkar updes sunavai ka tu agva agva bhagi rahiu
ambiya auliya apnayen man rama raha khub gudri ma
kathri tohar gun uu janai je karai gujara kathri ma
tu laal bahadur ki seva kaike dilli pahunchai dihiu
gudariu ma laal chhipe ketne tu duniya ka dikhlai dihiu
abdul hamid ka sabak tuhin kurbani vala dehe rahiu
ka tohre sudhi nahin batai jab apni godiya lehe rahiu
onkar mai jab darati rahin daliya ghar vali chakri ma
kathri tohar gun uu janai je karai gujara kathri ma
etna gun tohre bhara ahai tab kahe na duniya puchhai
kahe na ghar kai bahuariyai din rati tuhain jharain pochhain
purkhatan se hamrev ghar khub kirpa tohri bani ahai
sanjhava ki tohre bare roj khub chhima jhapti thani ahai
kuch dinai rahe se dulahiniyai laike bhagain andhakopari ma
kathri tohar gun uu janai je karai gujara kathri ma
samta samaj ki seva ma aapan jivan tu daan dihiu
baithaiv bagal gariban ka tinkau na tu apman kihiu
dukhiya majur ki naiya kai bas asil khevaiya tuhin ahiu
‘ajad’ kahain bhavsagar se vahi paar lagaiya tuhin ahiu
jab chhoDi chala sansar deen tab saath bandhiu tu thatri ma
kathri tohar gun uu janai je karai gujara kathri ma
kathri tohar gun uu janai je karai gujara kathri ma
lotain larika sayan sara parivar bechara kathri ma
etni anmol aha kathri na mol bikanu hatiya ma
mul tohka dekha ghare ghare sab jane bichhaye khatiya ma
tohri godiya ma loti poti hum kheli kood balvan bhaye
hamre purakhai tohre bal par gandhi, gautam bhagvan bhaye
tulsi kabir jayasi soor sab rahe dabaye kakhri ma
kathri tohar gun uu janai je karai gujara kathri ma
jes phulavai kurbani kayike aapan dehiyan nathvai deyan
dusri ki gatii ki khatir aapan gatii latkai deyan
vaise tu hamre bare phurai suiya Dorva se pyaar kihu
man mara nahin tan chhedi utha khub dinan kai upkaar kihu
bas yahi se mahima baDhati ahai kathri tohar yahi nagri ma
kathri tohar gun uu janai je karai gujara kathri ma
tu bipti kai sathi aha poor aram tuhin pahunchava thu
bhukhe nange larikan ka apne godiya tuhin sovava thu
sahas tohre andar etna badmas chor keu puchhai na
luti jai khajana maal bhale mul tohka kehuvai lutai na
rana ke sathva gajab rahiu tu jangal vali kothari ma
kathri tohar gun uu janai je karai gujara kathri ma
bhilni ki kutiya kai sobha ban biche kabau baDhaiv tu
apni godiya bhagvan raam ka juthe bair khilaiv tu
din raat sudama ke sathva maDii mai kihiu tapasya tu
sathva ma gayiu dvarikapur sari bidur ghar patri ma
kathri tohar gun uu janai je karai gujara kathri ma
makke se gayiu madina tu updes sunai paigambar kai
duniya ma ek ahai iisvar jari khodiu tu aDambar kai
iisa musa dar dar bhachke mul sathva sathva lagi rahiu
unkar updes sunavai ka tu agva agva bhagi rahiu
ambiya auliya apnayen man rama raha khub gudri ma
kathri tohar gun uu janai je karai gujara kathri ma
tu laal bahadur ki seva kaike dilli pahunchai dihiu
gudariu ma laal chhipe ketne tu duniya ka dikhlai dihiu
abdul hamid ka sabak tuhin kurbani vala dehe rahiu
ka tohre sudhi nahin batai jab apni godiya lehe rahiu
onkar mai jab darati rahin daliya ghar vali chakri ma
kathri tohar gun uu janai je karai gujara kathri ma
etna gun tohre bhara ahai tab kahe na duniya puchhai
kahe na ghar kai bahuariyai din rati tuhain jharain pochhain
purkhatan se hamrev ghar khub kirpa tohri bani ahai
sanjhava ki tohre bare roj khub chhima jhapti thani ahai
kuch dinai rahe se dulahiniyai laike bhagain andhakopari ma
kathri tohar gun uu janai je karai gujara kathri ma
samta samaj ki seva ma aapan jivan tu daan dihiu
baithaiv bagal gariban ka tinkau na tu apman kihiu
dukhiya majur ki naiya kai bas asil khevaiya tuhin ahiu
‘ajad’ kahain bhavsagar se vahi paar lagaiya tuhin ahiu
jab chhoDi chala sansar deen tab saath bandhiu tu thatri ma
kathri tohar gun uu janai je karai gujara kathri ma
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
