चैतक चैतावरि
बैशाखक जूड़शीतल
जेठक अछारमे
पोखरिक मोहारपर
टहल मारैत कबइ
अखाढ़क
तुलबुलिया मकइक रोटी
पकायल माछक साना
आ, हरियर मेरचाइक झाँउस
साओनक पछुआ सोहाओन
झमकौआ बरखा
कामिनीक नेह
आ, परदेशी पियाक वियोग
भादवक अन्हरिया
अरिकंचनक साग
कच्छाछोप कादो
ढनढनाइत करिया मेघ
बिजुरीक चकमकाहटि
टरटराइत बेंग, झनझनाइत झिंगुर
आ, सह-सह, पिच-पिच करैत चाली
आसिनमे फूलक चोरि
दशहराक रमलिल्ला
धेमुराक स्नान
कमलाक पूजा
आ, कोजगराक पान-मखान
पूसक थरथरी
बाँसक बूटक आगि
भुम्हुरमे पकायल अल्हुआ
मेंटीक औंटल सोन्हगर दूध
बबाक डाबरमे
सौराठीक हुराठ
आ, सिंगहीक बिन्हब
माघक सिरपंचमीमे
हऽर ठाढ़ करैत हरवाहा
मृदंगक स्वर
मजिराक झंकार
खैजरीक चाटी
आ, कोइलीक बोल
फागुनमे
फाउगक स्वर
मालपुआक मिठौंस
खस्सीक गुदगर माँउस
बदलल रंगक-रंग
गालक गुलाल
आब तकैत रहियौ
मिथिला डॉट कॉम पर।
chaitak chaitavari
baishakhak juDshital
jethak achharme
pokhrik moharpar
tahal marait kabai
akhaDhak
tulabuliya makik roti
pakayal machhak sana
aa, hariyar merchaik jhanus
saonak pachhua sohaon
jhamkaua barkha
kaminik neh
aa, pardeshi piyak viyog
bhadvak anhariya
arikanchnak saag
kachchhachhop kado
DhanaDhnait kariya megh
bijurik chakamkahati
taratrait beng, jhanajhnait jhingur
aa, sah sah, pich pich karait chali
asinme phulak chori
dashahrak ramlilla
dhemurak snaan
kamlak puja
aa, kojagrak paan makhan
pusak tharthari
bansak butak aagi
bhumhurme pakayal alhua
mentik auntal sonhgar doodh
babak Dabarme
saurathik hurath
aa, singhik binhab
maghak sirpanchmime
haऽra thaaDh karait harvaha
mridangak svar
majirak jhankar
khaijrik chati
aa, koilik bol
phagunme
phaugak svar
malapuak mithauns
khassik gudgar manus
badlal rangak rang
galak gulal
aab takait rahiyau
mithila Daut kaum par.
chaitak chaitavari
baishakhak juDshital
jethak achharme
pokhrik moharpar
tahal marait kabai
akhaDhak
tulabuliya makik roti
pakayal machhak sana
aa, hariyar merchaik jhanus
saonak pachhua sohaon
jhamkaua barkha
kaminik neh
aa, pardeshi piyak viyog
bhadvak anhariya
arikanchnak saag
kachchhachhop kado
DhanaDhnait kariya megh
bijurik chakamkahati
taratrait beng, jhanajhnait jhingur
aa, sah sah, pich pich karait chali
asinme phulak chori
dashahrak ramlilla
dhemurak snaan
kamlak puja
aa, kojagrak paan makhan
pusak tharthari
bansak butak aagi
bhumhurme pakayal alhua
mentik auntal sonhgar doodh
babak Dabarme
saurathik hurath
aa, singhik binhab
maghak sirpanchmime
haऽra thaaDh karait harvaha
mridangak svar
majirak jhankar
khaijrik chati
aa, koilik bol
phagunme
phaugak svar
malapuak mithauns
khassik gudgar manus
badlal rangak rang
galak gulal
aab takait rahiyau
mithila Daut kaum par.
स्रोत :
पुस्तक : झुझुआन होइत गाम (मैथिली कविता-संग्रह) (पृष्ठ 66)रचनाकार : रघुनाथ मुखिया
प्रकाशन : नवारम्भ, पटना/मधुबनी
संस्करण : 2018
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
