संवादक एकहक संभावना जखन होअय लागल हो असोथकित
आ एक टा भयाओन चुप्पी
अपन पसरैत हाथें अपसियाँत हो सम्बन्धक घेंट मोकबाक लेल
जखन जिनगीक संघर्ष अर्थहीन प्रतीत होइत
अपन चांगुरमे सकबेधय लागल हो सम्भावनाक विस्तार
आ पिरथीक सभटा पलास एकाएकी पिरौंछ होअय लागल हो
सम्बन्धक आत्मीयतापर तेना ने चढ़ल हो शंकाक बीझ
जे ओकरा हटयबाक प्रयत्नमे सम्बन्ध भने समाप्त भ' जाय
बीझ मुदा बनल रहय यथावत
संशयसँ घेरायल परिचिति राहुक ग्रास बनबाक लेल हो उताहुल
आ अकाससँ टूटैत तरेगन सन भखरैत हो प्रतिबद्धता
निविड़ एकांतमे अतीतक स्मृति हाक दैत हो घुरि अयबाक आँगन
आ आँगनक उजमाहि तकैत हो निविड़ एकांत
अपरिचित बसातक सिहकीसँ मिझाय लागल हो अहिबातक पातिल
आ कोहबरक लिखियासँ मेटाय लागल हो सिनेहिल आरेख
छनेक ठमकि क' विचारब कहिया सेरायल स्पर्शक गरमाहटि
कहिया बुझायल जे मौन बनि गेल संवादक भाषा
सम्बन्धक ताग ततेक ने होइत अछि मेंही
एकर उघरब सहजहि नहि होयत दृष्टिगत
आ उघरलाक बाद अनुभूतिक नग्नता सिहराओत
जीवनक माझ उपस्थित विसंगति सभक अछैत
धूमिल होइत स्मृतिक मादे किछु पाँती एहन लिखि जायब
जे दुनिया कहियो कतेक सिनेहिल रहय
आ संभावित सभ प्रयत्नक अछैत जकरा जोगा नहि सकलहुँ
एहि आत्मालापकें सुसाइड नोट जकाँ पढ़ल जयबाक चाही
से एही अनुलग्नक संग—
सम्बन्धक मृत्यु संवेदनाक मृत्यु होइत अछि
संवेदनाक मृत्यु कविताक मृत्यु होइत अछि
कविताक मृत्यु अंततः कविक मृत्यु होइत अछि
sanvadak ekhak sambhavna jakhan hoay lagal ho asothkit
aa ek ta bhayaon chuppi
apan pasrait hathen apasiyant ho sambandhak ghent mokbak lel
jakhan jingik sangharsh arthahin pratit hoit
apan changurme sakbedhay lagal ho sambhavnak vistar
aa pirthik sabhta palas ekayeki piraunchh hoay lagal ho
sambandhak atmiytapar tena ne chaDhal ho shankak beejh
je okra hataybak pryatnme sambandh bhane samapt bha jaay
beejh muda banal rahay yathavat
sanshayasan gherayal parichiti rahuk graas banbak lel ho utahul
aa akasasan tutait taregan san bhakhrait ho pratibaddhata
niviD ekantme atitak smriti haak dait ho ghuri aybak angan
aa anganak ujmahi takait ho niviD ekaant
aprichit basatak sihakisan mijhay lagal ho ahibatak patil
aa kohabrak likhiyasan metay lagal ho sinehil arekh
chhanek thamaki ka vicharab kahiya serayal sparshak garmahati
kahiya bujhayal je maun bani gel sanvadak bhasha
sambandhak taag tatek ne hoit achhi menhi
ekar ughrab sahajahi nahi hoyat drishtigat
aa ugharlak baad anubhutik nagnta sihraot
jivanak maajh upasthit visangati sabhak achhait
dhumil hoit smritik made kichhu panti ehan likhi jayab
je duniya kahiyo katek sinehil rahay
aa sambhavit sabh pryatnak achhait jakra joga nahi sakalahun
ehi atmalapken susaiD not jakan paDhal jaybak chahi
se ehi anulagnak sang—
sambandhak mrityu sanvednak mrityu hoit achhi
sanvednak mrityu kavitak mrityu hoit achhi
kavitak mrityu antatः kavik mrityu hoit achhi
sanvadak ekhak sambhavna jakhan hoay lagal ho asothkit
aa ek ta bhayaon chuppi
apan pasrait hathen apasiyant ho sambandhak ghent mokbak lel
jakhan jingik sangharsh arthahin pratit hoit
apan changurme sakbedhay lagal ho sambhavnak vistar
aa pirthik sabhta palas ekayeki piraunchh hoay lagal ho
sambandhak atmiytapar tena ne chaDhal ho shankak beejh
je okra hataybak pryatnme sambandh bhane samapt bha jaay
beejh muda banal rahay yathavat
sanshayasan gherayal parichiti rahuk graas banbak lel ho utahul
aa akasasan tutait taregan san bhakhrait ho pratibaddhata
niviD ekantme atitak smriti haak dait ho ghuri aybak angan
aa anganak ujmahi takait ho niviD ekaant
aprichit basatak sihakisan mijhay lagal ho ahibatak patil
aa kohabrak likhiyasan metay lagal ho sinehil arekh
chhanek thamaki ka vicharab kahiya serayal sparshak garmahati
kahiya bujhayal je maun bani gel sanvadak bhasha
sambandhak taag tatek ne hoit achhi menhi
ekar ughrab sahajahi nahi hoyat drishtigat
aa ugharlak baad anubhutik nagnta sihraot
jivanak maajh upasthit visangati sabhak achhait
dhumil hoit smritik made kichhu panti ehan likhi jayab
je duniya kahiyo katek sinehil rahay
aa sambhavit sabh pryatnak achhait jakra joga nahi sakalahun
ehi atmalapken susaiD not jakan paDhal jaybak chahi
se ehi anulagnak sang—
sambandhak mrityu sanvednak mrityu hoit achhi
sanvednak mrityu kavitak mrityu hoit achhi
kavitak mrityu antatः kavik mrityu hoit achhi
स्रोत :
पुस्तक : नेपथ्यसँ अबैत हाक (पृष्ठ 50)रचनाकार : विकास वत्सनाभ
प्रकाशन : किसुन संकल्प लोक, सुपौल
संस्करण : 2025
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
