भम्म पड़ैत दुपहरियामे
माझ परतीपर ठाढ़
देह परहक एक छिन्ने साड़ीकेँ
सुखाबऽ चाहैत अछि ओ
निरावृत्त देहकेँ नुकेबाक ब्योंतमे नहि
तीतल कप्पाक गुमसड़ाइन गन्ह
ओकर अतमामे सोन्हियायल छै
व्याकुलताक एहि लबादाकेँ फाड़ि देबऽ
चाहैत अछि आब ओ
कत्ते मनोरथ छलै गुजरी के ओइ दिनमे
हरियायल मोन लेने आयल रहय एतऽ
भरल-पूरल एकटा लोकक अंग बनिकऽ
झाँपि लेबऽ चाहै छल अपन आँचरक तऽरमे
समस्त जंजाल ओकर
जिनगीक एकटा नव पाटि गढ़बाक निमित्त
सहेटि लेबऽ चाहैत छल भोरहरबामे झरल
आँजुरक आँजुर उज्जर सिंहरहारक फूल
अपन करेजक नजीक
सुरड़ि दैत रहै मौलायल तृष्णाक कोंढ़ी सभ
सम्पूर्ण सरोकारकेँ सिंहरहार सन गमगम
आ चिक्कन-चुनमुन बनेबाक हेतु
मुदा भसकि गेलै सभ हौआ जिनगीक
बिसरि गेलै सभ राग-भास अचाँचके
एलै ने तेहेन सहजोर अन्हर-बिहाड़ि
उजड़ि गेलै ओकर बथान
हिलल रहै जखन आँगनक पोर-पोर
बचल रहि गेलै
शून्यक लालिमा नहायल
एकटा मसान आ
थोड़े लाल-लाल अडहुल फूल
जतऽ आइयो गहल छैक ओकर आस।
bhamm paDait dupahariyame
maajh partipar thaaDh
deh parhak ek chhinne saDiken
sukhabऽ chahait achhi o
niravritt dehken nukebak byontme nahi
tital kappak gumasDain ganh
okar atmame sonhiyayal chhai
vyakultak ehi labadaken phaDi debऽ
chahait achhi aab o
katte manorath chhalai gujri ke oi dinme
hariyayal mon lene aayal rahay etऽ
bharal pural ekta lokak ang banikऽ
jhanpi lebऽ chahai chhal apan ancharak taऽrame
samast janjal okar
jingik ekta nav pati gaDhbak nimitt
saheti lebऽ chahait chhal bhoraharbame jharal
anjurak anjur ujjar sinharharak phool
apan karejak najik
suraDi dait rahai maulayal trishnak konDhi sabh
sampurn sarokarken sinharhar san gamgam
aa chikkan chunmun banebak hetu
muda bhasaki gelai sabh haua jingik
bisari gelai sabh raag bhaas achanchake
elai ne tehen sahjor anhar bihaDi
ujaDi gelai okar bathan
hilal rahai jakhan anganak por por
bachal rahi gelai
shunyak lalima nahayal
ekta masan aa
thoDe laal laal aDhul phool
jatऽ aiyo gahal chhaik okar aas.
bhamm paDait dupahariyame
maajh partipar thaaDh
deh parhak ek chhinne saDiken
sukhabऽ chahait achhi o
niravritt dehken nukebak byontme nahi
tital kappak gumasDain ganh
okar atmame sonhiyayal chhai
vyakultak ehi labadaken phaDi debऽ
chahait achhi aab o
katte manorath chhalai gujri ke oi dinme
hariyayal mon lene aayal rahay etऽ
bharal pural ekta lokak ang banikऽ
jhanpi lebऽ chahai chhal apan ancharak taऽrame
samast janjal okar
jingik ekta nav pati gaDhbak nimitt
saheti lebऽ chahait chhal bhoraharbame jharal
anjurak anjur ujjar sinharharak phool
apan karejak najik
suraDi dait rahai maulayal trishnak konDhi sabh
sampurn sarokarken sinharhar san gamgam
aa chikkan chunmun banebak hetu
muda bhasaki gelai sabh haua jingik
bisari gelai sabh raag bhaas achanchake
elai ne tehen sahjor anhar bihaDi
ujaDi gelai okar bathan
hilal rahai jakhan anganak por por
bachal rahi gelai
shunyak lalima nahayal
ekta masan aa
thoDe laal laal aDhul phool
jatऽ aiyo gahal chhaik okar aas.
स्रोत :
पुस्तक : एखन धरि (पृष्ठ 16)रचनाकार : अंशुमान सत्यकेतु
प्रकाशन : नवारम्भ
संस्करण : 2018
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
