दुअरा पर निमिया के घन बाटे छाँव हो।
बड़ा नीक लागेला शहरिया से गाँव हो॥
मंगरू भगत लागें गाँव भर के काका।
बचनू कँहार लागें बुढ़वन के दादा॥
एके घर पुरोहित बानी लागे लोग पाँव हो,
बड़ा नीक लागेला शहरिया से गाँव हो॥
जुड़ल एक दूजे से सनेहिया के तार बा।
हिन्दू मुसलमान सबका आपस में प्यार बा॥
जाति धरमवां के नाही बा बरांव हो,
बड़ा नीक लागेला शहरिया से गाँव हो॥
मीलि जुलि लोग करे खेतिया किसानी।
खेतवा में चले टिउबेलिया से पानी॥
नदिया में चलेला जवरही नाव हो,
बड़ा नीक लागेला शहरिया से गाँव हो॥
नाही बाटे गउवां में कवनो झमेला।
मिले सहयोग नाही केहू बा अकेला॥
सीधा सादा लोग जहाँ नाहीं बाटे दाँव हो,
बड़ा नीक लागेला शहरिया से गाँव हो॥
duara par nimiya ke ghan bate chhaanv ho.
baDa neek lagela shahariya se gaanv ho॥
mangru bhagat lagen gaanv bhar ke kaka.
bachnu kanhar lagen buDhvan ke dada॥
eke ghar purohit bani lage log paanv ho,
baDa neek lagela shahariya se gaanv ho॥
juDal ek duje se sanehiya ke taar ba.
hindu musalman sabka aapas mein pyaar baa॥
jati dharamvan ke nahi ba baranv ho,
baDa neek lagela shahariya se gaanv ho॥
mili juli log kare khetiya kisani.
khetva mein chale tiubeliya se pani॥
nadiya mein chalela javarhi naav ho,
baDa neek lagela shahariya se gaanv ho॥
nahi bate gauvan mein kavno jhamela.
mile sahyog nahi kehu ba akela॥
sidha sada log jahan nahin bate daanv ho,
baDa neek lagela shahariya se gaanv ho॥
duara par nimiya ke ghan bate chhaanv ho.
baDa neek lagela shahariya se gaanv ho॥
mangru bhagat lagen gaanv bhar ke kaka.
bachnu kanhar lagen buDhvan ke dada॥
eke ghar purohit bani lage log paanv ho,
baDa neek lagela shahariya se gaanv ho॥
juDal ek duje se sanehiya ke taar ba.
hindu musalman sabka aapas mein pyaar baa॥
jati dharamvan ke nahi ba baranv ho,
baDa neek lagela shahariya se gaanv ho॥
mili juli log kare khetiya kisani.
khetva mein chale tiubeliya se pani॥
nadiya mein chalela javarhi naav ho,
baDa neek lagela shahariya se gaanv ho॥
nahi bate gauvan mein kavno jhamela.
mile sahyog nahi kehu ba akela॥
sidha sada log jahan nahin bate daanv ho,
baDa neek lagela shahariya se gaanv ho॥
स्रोत :
पुस्तक : गँउवा के माटी अनमोल (पृष्ठ 19)रचनाकार : रामबहादुर ‘अधीर पिण्डवी’
प्रकाशन : अखिल भारतीय भोजपुरी समाज, गोमतीनगर, लखनऊ
संस्करण : 2010
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
