रोसनी घर-घरमे पहुँचत
पढ़ने छलहुँ किताबमे
कहाँ बुझायल ओ घर अपने
राखल अपन हिसाबमे
फटल-पुरान मायकेर साड़ी
बाबुक थाकल साँस
दबल खुशी घरमे नेनाकेँ
सुनगैत बारह मास
सुन्न उदास आँखि भेटैत अछि
उगइत दिनक जबाबमे
नहरक पानि सुखल ने कहियो
फसल सुखैत रहल
हमर चेहरा हरदम हम्मर
पेटे बनैत रहल
खोंतासँ उड़ि चिरय उदासल
भागय अपनबचावमे
युवतीक लाश बरामद, जरइत
घर ओ बिना केबार
एके तरहक लोक कोना
बनि जाइत अछि अखबार
वोनक वोन उगय भाकन अछि
पानिक बीच जमावमे
सोलह बरखक हँसी कतहु
होमय एतेक मुरझाययल
सूखल ठोरक गीत लाबा सन
फूटय आ छिड़ियायल
कोन पिलसिन राँ लीखल दिनई
बुनल दुखक मेहराबमे
झरैत रहत तुलसी-चौरापर
पीयर फूल कनेलक
उज्जर दिनकेर नीक कथा
अपने आंगुर लिख देलक
कोनो उदयकेँ अस्त कहब नहि
मानब कोनो दबाबमे
rosani ghar gharme pahunchat
paDhne chhalahun kitabme
kahan bujhayal o ghar apne
rakhal apan hisabme
phatal puran mayker saDi
babuk thakal saans
dabal khushi gharme nenaken
sungait barah maas
sunn udaas ankhi bhetait achhi
ugit dinak jababme
nahrak pani sukhal ne kahiyo
phasal sukhait rahal
hamar chehra hardam hammar
pete banait rahal
khontasan uDi chiray udasal
bhagay apanabchavme
yuvtik laash baramad, jarit
ghar o bina kebar
eke tarhak lok kona
bani jait achhi akhbar
vonak von ugay bhakan achhi
panik beech jamavme
solah barkhak hansi katahu
homay etek murjhayyal
sukhal thorak geet laba san
phutay aa chhiDiyayal
kon pilsin raan likhal dinii
bunal dukhak mehrabme
jharait raht tulsi chaurapar
piyar phool kanelak
ujjar dinker neek katha
apne angur likh delak
kono udayken ast kahab nahi
manab kono dababme
rosani ghar gharme pahunchat
paDhne chhalahun kitabme
kahan bujhayal o ghar apne
rakhal apan hisabme
phatal puran mayker saDi
babuk thakal saans
dabal khushi gharme nenaken
sungait barah maas
sunn udaas ankhi bhetait achhi
ugit dinak jababme
nahrak pani sukhal ne kahiyo
phasal sukhait rahal
hamar chehra hardam hammar
pete banait rahal
khontasan uDi chiray udasal
bhagay apanabchavme
yuvtik laash baramad, jarit
ghar o bina kebar
eke tarhak lok kona
bani jait achhi akhbar
vonak von ugay bhakan achhi
panik beech jamavme
solah barkhak hansi katahu
homay etek murjhayyal
sukhal thorak geet laba san
phutay aa chhiDiyayal
kon pilsin raan likhal dinii
bunal dukhak mehrabme
jharait raht tulsi chaurapar
piyar phool kanelak
ujjar dinker neek katha
apne angur likh delak
kono udayken ast kahab nahi
manab kono dababme
स्रोत :
पुस्तक : मेघ इन्द्रनील (पृष्ठ 46)रचनाकार : शान्ति सुमन
प्रकाशन : अभिधा प्रकाशन
संस्करण : 2005
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
