सुनऽ सुनऽ संघतिया हमार बतिया
sunऽ sunऽ sanghatiya hamar batiya
सुनऽ सुनऽ संघतिया हमार बतिया।
पोथी आ पतरा ना हमरा बुझाला
सगरे बिनाइल बा मकरी के जाला,
पेटवे के फिकिर में बीते रतिया।
घरवा में बानीं जा दुइए परानी
दादा के छावल ह टुटही पलानी
सांवग ना लागल कि बने खटिया।
माथा से उतरे ना करजा के बोझा
हँसे के मिलल न मउगी के सोझा
दुखवा-दरदवा से भरल छतिया।
कान्ह प जुआठ अउर हथवा में पैना
चिरंई हम हईं जेकर कतरल बा डैना
हमरे प लगवले बा सभे घतिया।
लोग कहे भोर भइल, घाम छितराइल
हमरा त तनिको ना फरक बुझाइल,
मरले बा केहू हमार मतिया।
सुनऽ सुनऽ संघतिया हमार बतिया।
स्रोत :
- पुस्तक : विजेन्द्र अनिल के गीत (पृष्ठ 13)
- रचनाकार : विजेन्द्र अनिल
- प्रकाशन : संरचना प्रकाशन, आरा
- संस्करण : 1993
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
