खोल अलसाइल अँखिया भिनुसार हो गइल।
थाकल–मादल चान लरूआइल
ताकऽ तरेंगन के मुँह मल्हुआइल
अबगे असोरवा के दियवा धुँआइल
बाँस बसवरिया से पूरुबी बोअरिया से
बोले चुचुहिया सुन गछिया का अरिया से
सपना में गोरिया गोरथार हो गइल॥खो०॥
ठूठी पकड़िया पर चिड़इन के जोड़वा
कागिन अलवाँत कोइली बाड़ी लड़कोरवा
गोतिनी गोदइला के नाहीं छोड़े कोरवा
कुकुड़ूकू मुरगा डिहवा से बोले ननदी
ना जाने राज कवन गँवे से खोले ननदी
जुल्मी जवनिया इजहार हो गइल॥खो०॥
गोचरो गौरैया के अंगना में चुन-चुन
बैला के घांटी बाजे नदिया पर टुनटुन
मधुरी बेअरिया गोरिया से कहे सुन-सुन
गदराइल देहिया में लउकल उमरिया
सन-सन बेअरिया उड़वलक अँचरिया
कि गोरिया के घूघ छितनार हो गइल॥खो०॥
मन्दिल के घंटा सिवनवा सुनाइल
छप-छप कुटी काटस काका कन्हुआइल
खुरी काटे बछवा तले गइया पेन्हाइल
चानी के चढ़ावल पानी ओस गिरल मोती खानी
उचरेला कागा काहे आज अंगना का छान्ही
मोरिया पर गोरिया मति भोर हो गइल॥खो०॥
छंइटी-छितनिया गोतिनिया हाथे बकरी
लकठी देहिया पताइल जाला डगरी
करत जम्हाई जागे जागल सारी नगरी
चिड़ई-चुड़ुँगवा मचावे हुरदुँगवा
कि अँचरा से पुरूबी निकाले लाल मूंगवा
अब टिकुली पर कतना टिपोर हो गइल
खोल अलसाइल अँखिया देख भोर हो गइल॥
khol alsail ankhiya bhinusar ho gail.
thakal–madal chaan laruail
taakऽ tarengan ke munh malhuail
abge asorva ke diyva dhunail
baans basavariya se purubi boariya se
bole chuchuhiya sun gachhiya ka ariya se
sapna mein goriya gorthar ho gail॥kho०॥
thuthi pakaDiya par chiDin ke joDva
kagin alvant koili baDi laDkorva
gotini godaila ke nahin chhoDe korava
kukuDuku murga Dihva se bole nanadi
na jane raaj kavan ganve se khole nanadi
julmi javaniya ijhaar ho gail॥kho०॥
gochro gauraiya ke angna mein chun chun
baila ke ghanti baje nadiya par tuntun
madhuri beariya goriya se kahe sun sun
gadrail dehiya mein laukal umariya
san san beariya uDavlak anchriya
ki goriya ke ghoogh chhitnar ho gail॥kho०॥
mandil ke ghanta sivanva sunail
chhap chhap kuti katas kaka kanhuail
khuri kate bachhva tale gaiya penhail
chani ke chaDhaval pani os giral moti khani
uchrela kaga kahe aaj angna ka chhanhi
moriya par goriya mati bhor ho gail॥kho०॥
chhaniti chhitaniya gotiniya hathe bakri
lakthi dehiya patail jala Dagri
karat jamhai jage jagal sari nagri
chiDii chuDungava machave huradungava
ki anchara se purubi nikale laal mungva
ab tikuli par katna tipor ho gail
khol alsail ankhiya dekh bhor ho gail॥
khol alsail ankhiya bhinusar ho gail.
thakal–madal chaan laruail
taakऽ tarengan ke munh malhuail
abge asorva ke diyva dhunail
baans basavariya se purubi boariya se
bole chuchuhiya sun gachhiya ka ariya se
sapna mein goriya gorthar ho gail॥kho०॥
thuthi pakaDiya par chiDin ke joDva
kagin alvant koili baDi laDkorva
gotini godaila ke nahin chhoDe korava
kukuDuku murga Dihva se bole nanadi
na jane raaj kavan ganve se khole nanadi
julmi javaniya ijhaar ho gail॥kho०॥
gochro gauraiya ke angna mein chun chun
baila ke ghanti baje nadiya par tuntun
madhuri beariya goriya se kahe sun sun
gadrail dehiya mein laukal umariya
san san beariya uDavlak anchriya
ki goriya ke ghoogh chhitnar ho gail॥kho०॥
mandil ke ghanta sivanva sunail
chhap chhap kuti katas kaka kanhuail
khuri kate bachhva tale gaiya penhail
chani ke chaDhaval pani os giral moti khani
uchrela kaga kahe aaj angna ka chhanhi
moriya par goriya mati bhor ho gail॥kho०॥
chhaniti chhitaniya gotiniya hathe bakri
lakthi dehiya patail jala Dagri
karat jamhai jage jagal sari nagri
chiDii chuDungava machave huradungava
ki anchara se purubi nikale laal mungva
ab tikuli par katna tipor ho gail
khol alsail ankhiya dekh bhor ho gail॥
स्रोत :
पुस्तक : भिनुसार हो गइल (पृष्ठ 54)रचनाकार : मूंगालाल शास्त्री
प्रकाशन : भोजपुरी भारती, सारण
संस्करण : 2016
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
