बरीसे रस गीत-गजल सारी रात।
बरीसे रस…
अछर-अछर जोरे तार रिदम के,
सबद-सबद जइसे बोल शिवम के,
छंद-छंद निकसे मधुर सुर सात।
बरीसे रस…
लहरेला निरमल झील भावना के,
ऊगि-ऊगि आवेला कमल साधना के,
जियरा भइल जइसे भँवरा के जात।
बरीसे रस…
लेखनी संवरि के जब हो जाले सयानी,
बहे जइसे कल-कल गंगा के पानी,
करेले कबीरा, सूर-तुलसी से बात।
बरीसे रस…
नाचि उठेला मन धुन गुनगुना के,
इन्द्रधनुख अस रंग में रंगा के,
जिनिगी से होला जइसे छन भर मुलकात।
बरीसे रस…
स्रोत :
- पुस्तक : लोक रागिनी (पृष्ठ 205)
- रचनाकार : भोलानाथ गहमरी
- प्रकाशन : रागिनी प्रकाशन, गाजीपुर
- संस्करण : 1995
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
