प्यासल धरतीं अकुला के
ताके अम्बर के ओर
मेघ उमड़े-घुमड़े घनघोर
मूर्च्छित धरती के मुँह पर
पानी के छींटा मारे
जब ले आँख खुले ना तब ले
बरस बरस पुचकारे
पकड़ इन्द्रधनुषी आँचर के
उड़ा रहल बा छोर
मेघ उमड़े-घुमड़े घनघोर
अन्तर के अनकहल पीर
जागल आ जाग बुताइल
छलक पड़ल रस के गागर
धरती के हिय जुड़ाइल
ताप-शाप से मुक्ति मिल गइल
वन में नाचत मोर
मेघ उमड़े-घुमड़े घनघोर
स्रोत :
- पुस्तक : आँचर के टुकड़ा (पृष्ठ 14)
- रचनाकार : रमाकान्त मुकुल
- प्रकाशन : भोजपुरी संस्थान, पटना
- संस्करण : 2003
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
