बरि उठे दियना, बिहँसि उठे अंगना,
जागलि धरती के भाग।
बरिस-बरिस पर लवटल दिनवाँ
बूझलि बिरहा क आग,
केतनो अमवसा के घिरली अन्हरिया
कि चम-चम चमके सुहाग।
जागलि…
आजु सरग से उतरलि जोती
लिहलें चनरमाँ बिराग,
नाचि उठलि अब धरती के कन-कन
हँसि उठें सेस हो नाग।
जागलि…
पाहुन अइसन बनि ठनि आइल
बन्हले पियरिया के पाग,
एकहि रतिया के आव-भगत मे
लाखन बरेला चिराग।
जागलि…
सब सखियन मिलि अरती उतारेली
गावेली प्रीति के राग,
गंगा-जमुनवाँ औ लछिमी मनावेली
लागे ना सेनुरा में दाग।
जागलि…
माटी क दियना सनेहिया क बाती
तेलवा भरल अनुराग,
केतने मिलनुवाँ निछावर भइलें
खुलि गइलें केतने के भाग।
जागलि…
मिलि लेहु, मिलि लेहु बारी रे सनेहिया
हिरदया क लिहले पराग,
होत भिनसहरा सपन होइ जइहें
जोरि लेहु नेहियाँ क ताग।
जागलि…
bari uthe diyna, bihansi uthe angna,
jagali dharti ke bhaag.
baris baris par lavtal dinvan
bujhali birha ka aag,
ketno amavsa ke ghirli anhariya
ki cham cham chamke suhag.
jagali…
aaju sarag se utarali joti
lihlen chanarman birag,
nachi uthali ab dharti ke kan kan
hansi uthen ses ho naag.
jagali…
pahun aisan bani thani aail
banhle piyariya ke paag,
ekahi ratiya ke aav bhagat mae
lakhan barela chirag.
jagali…
sab sakhiyan mili arti utareli
gaveli priti ke raag,
ganga jamunvan au lachhimi manaveli
lage na senura mein daag.
jagali…
mati ka diyna sanehiya ka bati
telva bharal anurag,
ketne milanuvan nichhavar bhailen
khuli gailen ketne ke bhaag.
jagali…
mili lehu, mili lehu bari re sanehiya
hiradya ka lihle praag,
hot bhinasahra sapan hoi jaihen
jori lehu nehiyan ka taag.
jagali…
bari uthe diyna, bihansi uthe angna,
jagali dharti ke bhaag.
baris baris par lavtal dinvan
bujhali birha ka aag,
ketno amavsa ke ghirli anhariya
ki cham cham chamke suhag.
jagali…
aaju sarag se utarali joti
lihlen chanarman birag,
nachi uthali ab dharti ke kan kan
hansi uthen ses ho naag.
jagali…
pahun aisan bani thani aail
banhle piyariya ke paag,
ekahi ratiya ke aav bhagat mae
lakhan barela chirag.
jagali…
sab sakhiyan mili arti utareli
gaveli priti ke raag,
ganga jamunvan au lachhimi manaveli
lage na senura mein daag.
jagali…
mati ka diyna sanehiya ka bati
telva bharal anurag,
ketne milanuvan nichhavar bhailen
khuli gailen ketne ke bhaag.
jagali…
mili lehu, mili lehu bari re sanehiya
hiradya ka lihle praag,
hot bhinasahra sapan hoi jaihen
jori lehu nehiyan ka taag.
jagali…
स्रोत :
पुस्तक : बयार पुरवइया (पृष्ठ 45)रचनाकार : भोलानाथ गहमरी
प्रकाशन : भारतीय प्रकाशन, इलाहाबाद
संस्करण : 1964
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
