जान तानीं हम सभ कर पूरा इतिहसवा हो
रोअऽ जनि सबुर से काम लऽ किसनवा।
जान तानीं गरमी में खूनवा जराई आपन
पेटवा के आगि ना बुझवल किसनवा।
बरखा के दिनवां में गोड़वा सराई आपन
खेतवा में हरवा चलवल किसनवा।
भर पेट सतुओ ना मिलेला भदउआ में
तबहूँ ना तनीं सुहुतइल किसनवा।
जाड़वा के रतिया में गतर गलाई आपन
खेतवा के धानवा रखवल किसनवा।
आन्ही-पानी, लूक-पाला सहल बधरिये में
घरवा के सुखवा का जनल किसनवा।
सालो भर देहिया के हाड़वा गलाई आपन
खेतवा से बोझवा उठवल किसनवा।
धानवां के देई के ओसावन जब कई लिहल
आई गइलें तबे साहुकार हो किसनवा।
धानवा तोहार लेके घर आपन भरि लिहलन
टुकुर-टुकुर तिकवत रहल किसनवा।
साल भर के मेहनत छन में खतम भइल
नाहीं कुछ कइ सकल तू हो किसनवा।
सेठ-साहूकार चाभसु पेड़ा-रसगुलवा हो,
तोहरा के सतुआ मोहाल हो किसनवा।
चेतऽ चेतऽ चेतऽ तुहूँ, अबहूँ बा बेरवा हो
अबहूँ से होख तइयार हो किसनवा।
अपने में फूटल बाड़, एही से तू टूटल बाड़
एही से गांठेला सभे रोब हो किसनवा।
फूटवा के बिअवन के अजुए जरा द तुहूँ
देखऽ केहू नइखे बरियार हो किसनवा।
जबले दबल रहब, तबले दबाई सभे
उठला प पंजरा न आई हो किसनवा।
घरवा में आह भरि, लोरवा गिरवला से
फायदा ना होई एको पाई हो किसनवा।
जब ले ना कसब तू कमर लड़ाई खातिर
तब ले ना तोहरो भलाई हो किसनवा।
jaan tanin hum sabh kar pura itihasva ho
roaऽ jani sabur se kaam laऽ kisanva.
jaan tanin garmi mein khunva jarai aapan
petva ke aagi na bujhval kisanva.
barkha ke dinvan mein goDva sarai aapan
khetva mein harva chalval kisanva.
bhar pet satuo na milela bhadaua men
tabhun na tanin suhutil kisanva.
jaDva ke ratiya mein gatar galai aapan
khetva ke dhanva rakhval kisanva.
aanhi pani, look pala sahl badhariye men
gharva ke sukhva ka janal kisanva.
salo bhar dehiya ke haDva galai aapan
khetva se bojhva uthval kisanva.
dhanvan ke dei ke osavan jab kai lihal
aai gailen tabe sahukar ho kisanva.
dhanva tohar leke ghar aapan bhari lihlan
tukur tukur tikvat rahal kisanva.
saal bhar ke mehnat chhan mein khatam bhail
nahin kuch kai sakal tu ho kisanva.
seth sahukar chabhasu peDa rasagulva ho,
tohra ke satua mohal ho kisanva.
chetऽ chetऽ chetऽ tuhun, abhun ba berava ho
abhun se hokh taiyar ho kisanva.
apne mein phutal baaD, ehi se tu tutal baaD
ehi se ganthela sabhe rob ho kisanva.
phutva ke biavan ke ajue jara da tuhun
dekhऽ kehu naikhe bariyar ho kisanva.
jable dabal rahab, table dabai sabhe
uthla pa panjra na aai ho kisanva.
gharva mein aah bhari, lorva giravla se
phayda na hoi eko pai ho kisanva.
jab le na kasab tu kamar laDai khatir
tab le na tohro bhalai ho kisanva.
jaan tanin hum sabh kar pura itihasva ho
roaऽ jani sabur se kaam laऽ kisanva.
jaan tanin garmi mein khunva jarai aapan
petva ke aagi na bujhval kisanva.
barkha ke dinvan mein goDva sarai aapan
khetva mein harva chalval kisanva.
bhar pet satuo na milela bhadaua men
tabhun na tanin suhutil kisanva.
jaDva ke ratiya mein gatar galai aapan
khetva ke dhanva rakhval kisanva.
aanhi pani, look pala sahl badhariye men
gharva ke sukhva ka janal kisanva.
salo bhar dehiya ke haDva galai aapan
khetva se bojhva uthval kisanva.
dhanvan ke dei ke osavan jab kai lihal
aai gailen tabe sahukar ho kisanva.
dhanva tohar leke ghar aapan bhari lihlan
tukur tukur tikvat rahal kisanva.
saal bhar ke mehnat chhan mein khatam bhail
nahin kuch kai sakal tu ho kisanva.
seth sahukar chabhasu peDa rasagulva ho,
tohra ke satua mohal ho kisanva.
chetऽ chetऽ chetऽ tuhun, abhun ba berava ho
abhun se hokh taiyar ho kisanva.
apne mein phutal baaD, ehi se tu tutal baaD
ehi se ganthela sabhe rob ho kisanva.
phutva ke biavan ke ajue jara da tuhun
dekhऽ kehu naikhe bariyar ho kisanva.
jable dabal rahab, table dabai sabhe
uthla pa panjra na aai ho kisanva.
gharva mein aah bhari, lorva giravla se
phayda na hoi eko pai ho kisanva.
jab le na kasab tu kamar laDai khatir
tab le na tohro bhalai ho kisanva.
स्रोत :
पुस्तक : विजेन्द्र अनिल के गीत (पृष्ठ 5)रचनाकार : विजेन्द्र अनिल
प्रकाशन : संरचना प्रकाशन, आरा
संस्करण : 1993
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
