हरसे किसनवां
harse kisanvan
देखि-देखि खेतवा के हरसे किसनवां।
हो जाई पूरा मन के सगरी सपनवां॥
कहेला किसान सुनु मुनुआ के माई।
अबकी आपन दुख सब मिटि जाई॥
गेहुंआ के बेचि के किनाई कंगनवां॥
हो जाई पूरा मन...
खेतवा में लहरेला गेहूंआ के बलिया।
झूमेला मन देखि मटरवा के फलिया॥
भरि जाई अबकी खेत खरिहनवां॥
हो जाई पूरा मन...
होली में तोहरा के चुनरी ले आइबि।
नकिया के तोहरी हम झुलनी गढ़ाइबि॥
ले देइबि कनवां के तोहे ऐरनवां॥
हो जाई पूरा मन...
मुनिया के अबकी करबि हम सगाई।
मुनुआ के शुरू होई अबकी पढ़ाई॥
आयी खुसी अबकी अपनी अँगनवां॥
हो जाई पूरा मन...
स्रोत :
- पुस्तक : गँउवा के माटी अनमोल (पृष्ठ 46)
- रचनाकार : रामबहादुर ‘अधीर पिण्डवी’
- प्रकाशन : अखिल भारतीय भोजपुरी समाज, गोमतीनगर, लखनऊ
- संस्करण : 2010
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
