अँजुरी के फूल कई सपना के डार से
ले अइलीं चुपके से तोर—
कि हो हम ले अइलीं चुपके से तोर।
फुलवा तोरत के गड़ि गइलें काँटा,
गड़ि गइलें काँटा ओहू से रहे नाता,
जोरलि सनेहिया के डोर।
कि हो हम ले अइलीं…
रंग-रंग पर किरन के पहरा,
किरन के पहरा पंखुरिया के अँचरा,
लागल नजरिया के चोर।
कि हो हम ले अइलीं…
गंध न छोड़े बाँह पवन के,
बाँहँ पवन के हो गरवा मिलन के,
नेहियाँ भइलि सराबोर।
कि हो हम ले अइलीं…
जिनिगी के बगिया में भँवरा उमर के,
भँवरा उमर के ना डोले संभर के,
हो जाला रस से बिभोर।
कि हो हम ले अइलीं…
स्रोत :
- पुस्तक : लोक रागिनी (पृष्ठ 213)
- रचनाकार : भोलानाथ गहमरी
- प्रकाशन : रागिनी प्रकाशन, गाजीपुर
- संस्करण : 1995
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
