रामचन्द्र रहि जइयो मिथिला नगरमे
ramchandr rahi jaiyo mithila nagarme
(बारहमासा)
रामचन्द्र रहि जइयो मिथिला नगरमे कोहबर के व्यवहार यो
आसिन न्योत पठायल कातिक धनुष तोडायल
अगहन कऽ देल सीतासँ विवाह यो कोहबर के व्यवहार यो
पूस कोहबर घर बनौलौं माघ कोहबर बैसाइयो
फागुन खेलि लियऽ रंग अंबीर यो
चैतक फुलवा लोढ़ि कै लायब बैसाख हार गुथायब यो
जेठ माला पहिरायब सीता वर कै कोहबर के व्यवहार यो
अषाढ़ बरसै दिन-राति सावन झूला लगाय
भादव करि देल कोहबर घर अन्हार यो
रामचन्द्र रहि जइयो मिथिला नगर यो कोहबर के व्यवहार यो
स्रोत :
- पुस्तक : मैथिली लोकगीत (पृष्ठ 368)
- संपादक : अणिमा सिंह
- प्रकाशन : साहित्य अकादमी, नई दिल्ली
- संस्करण : 1993
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
