कोना करनवां शहर भागे
kona karanvan shahr bhage
कोना करनवां शहर भागे
पिया पपीहा के बोलिया जहर लागे...
गरजे बदरिया चमके बिजुरिया,
रही झकझोरेली पुरबी बयरिया
छोटकी पलनियां जे टप-टप चुयेले
सूनी-सूनी सेजिया बंजर लागे...
पिया पपीहा के बोलिया जहर लागे
आईल अगहनवां, सिकुडल बदनवां
तोहरे फिकिरिया में तड़पे परनवाँ
भरल जिनिगिया में अगिया लगवल
रतियो न कटे राम जहर लागे...
पिया पपिहा के बोलिया जहर, लहर लागे...
चढ़ते फगुनवा सगुनवा करवलीं
छोटका देवरवा के खूब समझवलीं
जायके शहरिया खबरिया तू कहिह
जिनगी के नईया भँवर लागे
पिया पपीहा के बोलिया जहर...
स्रोत :
- पुस्तक : भोजपुरी के रसगर गीत (पृष्ठ 23)
- संपादक : तुलसीदास
- प्रकाशन : लोक साहित्य संगम, बिहिया, भोजपुर, बिहार
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
