मालवणी विलाप

malawni wilap

कल्लोल

कल्लोल

मालवणी विलाप

कल्लोल

और अधिककल्लोल

    हइ रे जीव, निळज्ज तूँ, निकस्यू जात तोहि।

    प्रिय विछुड़त निकस्यउ नहीं, राह्यउ लजावण मोहि॥

    सज्जण वल्ले, गुण रहे, गुण भी वल्लणहार।

    सूकण लागी बेलड़ी, गया सींचणहार॥

    खूँटइ जीण मोजड़ी, कड़याँ नहीं केकाँण।

    साजनिया सालइ नहीं, सालइ आही ठाँण॥

    साई दे दे सज्जना, रातइ इँणि परि रूँन।

    उरि उपरि आँर ढळई, जाँणि प्रवाळा चूँन॥

    सज्जण ज्यूँ ज्यूँ संभरइ, देख्याँ आही ठाँण।

    झुरि झुरि नइ पंजर हुई, समर समर सहिनाँण॥

    बाबा, बाळूँ देसड़उ जिहाँ डूँगर नहिं कोई।

    तिणि चढ़ि मूकउँ धाहड़ी, हीयउ उरळउ होइ॥

    सारसड़ी मोती चुणइ, कुणइ कुरळइ काँइ।

    सगुण पियारा जउ मिलइ, मिलइ विछुड़इ काँइ॥

    थळ मथ्थइ जळ बाहिरी, काँइ लबूकी बूरि।

    मीठा बोला घणा सहा, सज्जण मूक्या दूरि॥

    थळ मथ्थइ जळ बाहिरी, तूँ काँइ नीली जाळ।

    कँइ तूं सींची सज्जणे, कँइ बूठउ अग्गाळि॥

    चंदा तो किण खंडियउ, मो खंडी किरतार।

    पूनिम पूरउ ऊगसी, आवंतइ अवतार॥

    चंपा केरी पाँखड़ी, गूँथूँ नवसर हार।

    जउ गळ पहरूँ पीव बिन, तउ लागे अंगार॥

    स्रोत :
    • पुस्तक : ढोला मारू रा दूहा (पृष्ठ 139)
    • संपादक : रामसिंह, सूर्यकरण पारीक, नरोत्तमदास स्वामी
    • रचनाकार : कुशललाभ
    • प्रकाशन : राजस्थानी ग्रंथागार, जोधपुर
    • संस्करण : 2005

    संबंधित विषय

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    जश्न-ए-रेख़्ता (2023) उर्दू भाषा का सबसे बड़ा उत्सव।

    पास यहाँ से प्राप्त कीजिए