अबलों हम जीवत रहे लै-लै तुम्हरो नाम।
सोहू अब भूलन लगे, अहो राम गुनधाम॥
कर्म-धर्म-संयम-नियम जप-तप जोग-विराग।
इन सबको बहु दिन भए खेलि चुके हम फाग॥
धनबल, जनबल, बाहुबल, बुद्धि विवेक विचार।
मान-तान-मरजाद को बैठे जूओ हार॥
हमरे जाति न बरन है नहीं अर्थ नहिं काम।
कहा दुरावै आपसे, हमरी जाति ग़ुलाम॥
बहु दिन बीते राम प्रभु खोए अपनो देस।
खोवत हैं अब बैठ कै भाषा भोजन भेस॥
नहीं गाँव में झूपड़ो नहिं जंगल में खेत।
घर ही बैठें हम कियो अपनो कंचन रेत॥
पसु समान बिडरत रहैं पेट भरन के काज।
याही में दिन जात हैं सुनिए रघुकुलराज॥
दो-दो मूठी अन्न हित ताक़त पर मुख ओर।
घर ही में हम पारधी घर ही में हम चोर॥
तौहू आपस में लड़ैं निसदिन स्वान समान।
अहो! कौन गति होयगी आगे राम सुजान?
घर में कलह विरोध की बैठे आग लगाय।
निसदिस तामैं जरत हैं जरतहि जीवन जाय॥
विप्रन छोड्यो होम तप अरु छत्रिन तरवार।
बनिकन के पुत्रन तज्यो अपनो सद्-व्यवहार॥
अपनो कछु उद्यम नहीं तकत पराई आस।
अब या भारतभूमि में सबैं वरन हैं दास॥
सबैं कहैं तुम हीन हो हमहु कहैं हम हीन।
धक्का देत दिनान कों मन मलीन तन छीन॥
कौन काज जनमत मरत पूछत जोरें हाथ?
कौन पाप यह गति भई हमरी रघुकुलनाथ?
ablon hum jiwat rahe lai lai tumhro nam
sohu ab bhulan lage, aho ram gundham॥
karm dharm sanyam niyam jap tap jog wirag
in sabko bahu din bhae kheli chuke hum phag॥
dhanbal, janbal, bahubal, buddhi wiwek wichar
man tan marjad ko baithe juo haar॥
hamre jati na baran hai nahin arth nahin kaam
kaha durawai aapse, hamri jati ghulam॥
bahu din bite ram prabhu khoe apno des
khowat hain ab baith kai bhasha bhojan bhes॥
nahin ganw mein jhupDo nahin jangal mein khet
ghar hi baithen hum kiyo apno kanchan ret॥
pasu saman biDrat rahain pet bharan ke kaj
yahi mein din jat hain suniye raghukulraj॥
do do muthi ann hit taqat par mukh or
ghar hi mein hum paradhi ghar hi mein hum chor॥
tauhu aapas mein laDain nisdin swan saman
aho! kaun gati hoygi aage ram sujan?
ghar mein kalah wirodh ki baithe aag lagay
nisdis tamain jarat hain jaratahi jiwan jay॥
wipran chhoDyo hom tap aru chhatrin tarwar
banikan ke putran tajyo apno sad wywahar॥
apno kachhu udyam nahin takat parai aas
ab ya bharatbhumi mein sabain waran hain das॥
sabain kahain tum heen ho hamahu kahain hum heen
dhakka det dinan kon man malin tan chheen॥
kaun kaj janmat marat puchhat joren hath?
kaun pap ye gati bhai hamri raghukulnath?
ablon hum jiwat rahe lai lai tumhro nam
sohu ab bhulan lage, aho ram gundham॥
karm dharm sanyam niyam jap tap jog wirag
in sabko bahu din bhae kheli chuke hum phag॥
dhanbal, janbal, bahubal, buddhi wiwek wichar
man tan marjad ko baithe juo haar॥
hamre jati na baran hai nahin arth nahin kaam
kaha durawai aapse, hamri jati ghulam॥
bahu din bite ram prabhu khoe apno des
khowat hain ab baith kai bhasha bhojan bhes॥
nahin ganw mein jhupDo nahin jangal mein khet
ghar hi baithen hum kiyo apno kanchan ret॥
pasu saman biDrat rahain pet bharan ke kaj
yahi mein din jat hain suniye raghukulraj॥
do do muthi ann hit taqat par mukh or
ghar hi mein hum paradhi ghar hi mein hum chor॥
tauhu aapas mein laDain nisdin swan saman
aho! kaun gati hoygi aage ram sujan?
ghar mein kalah wirodh ki baithe aag lagay
nisdis tamain jarat hain jaratahi jiwan jay॥
wipran chhoDyo hom tap aru chhatrin tarwar
banikan ke putran tajyo apno sad wywahar॥
apno kachhu udyam nahin takat parai aas
ab ya bharatbhumi mein sabain waran hain das॥
sabain kahain tum heen ho hamahu kahain hum heen
dhakka det dinan kon man malin tan chheen॥
kaun kaj janmat marat puchhat joren hath?
kaun pap ye gati bhai hamri raghukulnath?
स्रोत :
- पुस्तक : गुप्त-निबंधावली (पृष्ठ 589)
- संपादक : झाबरमल्ल शर्मा, बनारसीदास चतुर्वेदी
- रचनाकार : बालमुकुंद गुप्त
-
प्रकाशन : गुप्त-स्मारक ग्रंथ प्रकाशन-समिति, कलकत्ता
- संस्करण : 1950
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
